បែកធ្លាយ ថ្ងៃរៀបការរបស់ នី រតនា នឹងធ្វើឡើងឆ្នាំក្រោយ?

ភ្នំពេញ៖ ប្រិយមិត្តជាច្រើនប្រាកដជាបានដឹងរួចមកហើយថា កាលពីប៉ុន្មានថ្ងៃកន្លងទៅមកនេះ​ពិតជាមានការភ្ញាក់ផ្អើលខ្លាំងចំពោះអ្នកលេងបណ្តាញសង្គមជាច្រើន បូករួមនឹងអ្នកគាំទ្រពេញប្រទេស ក្រោយម្ចាស់ពាន Cambodian Idol រដូវកាលទី១ លោក នី រតនា និងកូនស្រីអ្នកជំនួញ កញ្ញា សុវណ្ណ ភក្តិណា បានភ្ជាប់ពាក្យជាមួយគ្នា។

នៅក្នុងនោះដែរ ក៏មានការចូលរួម និងលេចមុខតារានៅក្នុងផលិតកម្មហង្សមាសជាច្រើន ស្របពេលនឹងថ្ងៃនោះផងដែរ​ អនាគតភរិយារបស់តារាចម្រៀងលោក នី រតនា តែងខ្លួនយ៉ាងស្រស់ស្អាត នៅក្នុងថ្ងៃពិសេស ជាមួយនឹងសម្លៀកបំពាក់បុរាណ។

ទន្ទឹមនឹងនេះផងដែរ​ ក៏មានអ្នកគាំទ្រជាច្រើនចង់ដឹងថា តារារូបនេះនឹងរៀបការនៅពេលណា។

នៅក្នុងនោះដែរ ម្ចាស់សម្អាងការដែលបានតុបតែងខ្លួនយ៉ាងស្រស់ស្អាតដល់កូនក្រមុំរបស់លោក បានបង្ហើបនិង ប្រាប់មកកាន់ ខ្មែរឡូត ថាតារារូបនេះ នឹងត្រៀមរៀបការនៅឆ្នាំ២០១៩ ឆ្នាំក្រោយនេះហើយ តែក៏នៅតែមិនទាន់ដឹងច្បាស់ថាថ្ងៃណានោះទេ។ 

តាមរយៈបង្ហើបថ្ងៃរៀបការរបស់តារារូបនេះដែល ធ្វើឲ្យអ្នកគាំទ្រមានការសប្បាយចិត្តយ៉ាងខ្លាំង៕

ប្រភពរូបភាព៖ Nob Dane SamAngkar

សូមទស្សនារូបភាពខាងក្រោមនេះ៖

• នី រតនា
• តារាខ្មែរ