Wenger ត្រូវក្លិបនៅចិនឲ្យតម្លៃខ្លួនរាប់លានដុល្លារ បើព្រមទៅដឹកនាំ

អង់គ្លេស៖ គ្រូបង្វឹកលោក Arsene Wenger ត្រូវបានក្លិបមួយចំនួននៅក្របខ័ណ្ឌកំពូលប្រទេសចិន ធ្វើការទាក់ទង ព្រមទាំងផ្តល់កុងត្រាយក្ស ដែលមានតម្លៃរាប់លានដុល្លារឯណោះ។

ក្រោយពីប្រកាសថាខ្លួននឹងលាលែងពីតំណែងនៅក្លិប Arsenal គ្រូបង្វឹកវ័យ៦៨ឆ្នាំរូបនេះ ត្រូវបានក្លិបផ្សេងៗកំពុងធ្វើការចែចូវរូបលោកឲ្យទៅបង្វឹកក្រុមរបស់ពួកគេ។ 

តាមប្រភពមួយចំនួនបានបង្ហើបឲ្យដឹងថា មានក្រុមមួយចំនួននៅក្របខ័ណ្ឌបាល់ទាត់ចិន ត្រៀមនាំយកគ្រូបង្វឹកសញ្ជាតិបារាំងរូបនេះទៅកាន់ក្រុមខ្លួន ដោយពួកគេហ៊ានឲ្យតម្លៃខ្លួនទៅកាន់លោក Wenger រហូតដល់ទៅជាង ៣៣លានដុល្លារក្នុងមួយឆ្នាំឯណោះ។

ទោះបីជាយ៉ាងនេះក្តី ប្រភពជិតស្និទ្ធនឹងគ្រូបង្វឹកក្រុម Arsenal រូបនេះបានឲ្យដឹងថា រូបលោកចង់បន្តបង្វឹកនៅទ្វីបអ៊ឺរ៉ុប ដោយប្រទេសអេស្ប៉ាញនិងបារាំងគឺជាទីកន្លែងដែលសាកសមបំផុតសម្រាប់ការបង្វឹករបស់លោក។ 

គួរឲ្យដឹងថា លោក Arsene Wenger ធ្លាប់មកបង្វឹកនៅទ្វីបអាស៊ីម្តងរួចមកហើយ ដោយកាលពីឆ្នាំ១៩៩៥ ដល់១៩៩៦ លោកបានបង្វឹកក្រុម Nagoya Grampus Eight នៅក្នុងក្របខ័ណ្ឌរបស់ជប៉ុន៕