អេស្ប៉ាញ៖ ប្រធានក្លិប Real Madrid លោក Florentino Perez ជឿជាក់ថា ក្រុម Real Madrid នឹងយកពាន Champions League ជាលើកទី១៣ ក្នុងរដូវកាលនេះឲ្យបាន។
អ្នកគ្រប់គ្រងក្លិបវ័យ៧១ឆ្នាំរូបនេះបាននិយាយក្នុងបទសម្ភាសមួយថា ក្រុម Real Madrid កំពុងតែចារប្រវត្តិសាស្ត្រនៅក្នុងពិភពបាល់ទាត់ ដោយសារតែក្រុមមួយនេះបានឈ្នះពាន Champions League ចំនួនពីររដូវកាលជាប់ៗគ្នា ដែលគ្មានក្រុមណាមួយអាចធ្វើបានទេ។
យ៉ាងណាមិញ លោក Perez បានបន្តថា ក្រុម Bayern Munich គឺជាក្រុមដ៏ខ្លាំងមួយ ហើយមានប្រវត្តិសាស្ត្រល្អគ្រាន់បើក្នុងក្របខ័ណ្ឌនេះ ដូច្នេះក្រុម Real Madrid ត្រូវតែធ្វើការងារធ្ងន់បន្តិច។
ប៉ុន្តែអ្នកគ្រប់គ្រងក្លិបរូបនេះនៅតែមានការជឿជាក់លើក្រុមខ្លួន ដោយនិយាយថា ក្រុម Real Madrid មានទាំងគ្រូបង្វឹកល្អ កីឡាករល្អ ព្រមទាំងមានអ្នកគាំទ្រល្អទៀត ដូច្នេះវាធ្វើឲ្យក្រុមទាំងមូលមានកម្លាំងចិត្ត ដើម្បីទទួលវបាននូវជោគជ័យក្នុងក្របខ័ណ្ឌនេះឲ្យខានតែបាន។
Real Madrid នឹងធ្វើដំណើរទៅកាន់ប្រទេសអាល្លឺម៉ង់ដើម្បីជួបប្រកួតជាមួយក្រុម Bayern Munich ក្នុងជើងទីមួយ វគ្គពាក់កណ្តាលផ្តាច់ព្រ័ត្រ Champions League នៅវេលាម៉ោង ១:៤៥ យប់ថ្ងៃទី២៥ ឆ្លងចូល២៦ ខែមេសាខាងមុខនេះ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]