ភ្នំពេញ៖ ថ្ងៃសៅរ៍ ទី ២១ មេសា អ្នកចូលរួមច្រើនជាង ៥០០នាក់ ដែលបូករួមទាំងដៃគូពាណិជ្ជកម្ម តំណាងចែកចាយ និងអ្នកសារព័ត៌មាន បានអញ្ជើញចូលរួមក្នុងពិធីថ្លែងអំណរគុណដល់ដៃគូពាណិជ្ជកម្មនៅសណ្ឋាគារ NagaWorld ។ ក្នុងពិធីជួបជុំញ៊ាំអាហារពេលល្ងាចប្រចាំឆ្នាំនេះដែរ គឺជាខួបគម្រប់ ៧ឆ្នាំរបស់ i-Qlick ហើយវាក៏ត្រូវបានធ្វើឡើងសម្រាប់ការសម្រេចបាននូវសមិទ្ធិផលនៃឆ្នាំចាស់ និងសម្រាប់ការថ្លែងអំណរគុណដល់អ្នកដែលតែងតែគាំទ្រដល់ i-Qlick ពីដៃគូពាណិជ្ជកម្ម។
លោក Satoru Takeda ដែលជាអនុប្រធានប្រចាំតំបន់ CII Group នៃ Canon Singapore បានថ្លែងថា៖
«កម្មវិធីនេះគឺមិនមែនត្រឹមតែជាខួបរបស់ i-Qlick នោះទេ ប៉ុន្តែថែមទាំងចង់ឆ្លៀតយកឱកាសនេះសម្រាប់ Canon Singapore និង i-Qlick ដើម្បីធ្វើការថ្លែងអំណគុណទៅដល់ដៃគូមុខជំនួញ និងកិច្ចប្រឹងប្រែងបន្ដសម្រាប់ការអភិវឌ្ឍផលិតផលនៅក្នុងប្រទេសកម្ពុជា។ វត្តមានរបស់លោកអ្នកនៅក្នុងទីនេះ ជាមួយនឹងការគាំទ្រតាំងពីឆ្នាំមុន បានធ្វើឲ្យម៉ាកសញ្ញា Canon អាចបម្រើ និងផ្ដល់ការចំណេញទៅដល់ប្រជាជនកម្ពុជា។ សូមអរគុណដល់កិច្ចខិតខំប្រឹងប្រែងទាំងនេះក្រុមហ៊ុន Canon បានរីកចម្រើនពីមួយឆ្នាំទៅមួយឆ្នាំនៅទីនេះ ហើយខ្ញុំសង្ឃឹមថា ដៃគូអាជីវកម្មរបស់យើងអាចបន្តធ្វើការជាមួយ i-Qlick ដើម្បីពុះពារលើឧបសគ្គដែលអាចកើតមាន។ ពិធីជប់លៀងយប់នេះគឺត្រូវបានរៀបចំយ៉ាងពិសេស សម្រាប់ការប្រឹងប្រែងឆ្នាំចាស់ និងលទ្ធផលសម្រាប់អ្នករាល់គ្នានៅទីនេះ។»
លោក Andy Lee នាយកនៃ i-Qlick ប្រចាំប្រទេសកម្ពុជាក៏បានថ្លែងថា៖
«i-Qlick គឺប្ដេជ្ញាថា នឹងធ្វើឲ្យមុខជំនួញ Canon នៅក្នុងប្រទេសកម្ពុជាកាន់តែរីកចម្រើនទៅមុខ ហើយយើងក៏សូមធ្វើការថ្លែងអំណរគុណទៅដល់ អ្នកដែលតែងតែគាំទ្រផ្លាកសញ្ញារបស់យើង យើងក៏ជាអ្នកនាំមុខទីផ្សារនៃផលិតផល កាមេរ៉ា នៅក្នុងប្រទេសកម្ពុជាច្រើនជាង ៦ឆ្នាំ និងជាផ្លាកសញ្ញាដែលនាំមុខគេសម្រាប់ ឧបករណ៍ការិយាល័យ និងម៉ាស៊ីនព្រីន។»
ដើម្បីផ្ដល់ភាពងាយស្រួលទៅកាន់អតិថិជនកាន់តែប្រសើរ យើងក៏បានពង្រីកនូវសាខារបស់ Canon Image Square កាន់តែច្រើនដែលមានទីតាំងដូចជា៖ សាខាចាក់អង្រែ សាខាទួលគោក សាខាចំការមន សាខា Nojima សាខាសុរិយា សាខាហង្សនាគ (ផ្លូវកម្ពុជាក្រោម) សាខាផ្លូវសីហនុ និងសាខាផ្សេងៗជាច្រើនទៀត។
ជាមួយនឹងហាងទាំងអស់នៅទីក្រុងភ្នំពេញ យើងនឹងប្តេជ្ញានាំយកនូវភាពងាយស្រួល និងបទពិសោធន៍កាន់តែប្រសើរសម្រាប់អតិថិជនរបស់យើង។ ក្រៅពីការប្តេជ្ញាជាមួយជំនួញទាំងនេះ យើងក៏ប្តេជ្ញាថានឹងធ្វើអ្វីឲ្យកាន់តែប្រសើរនៅក្នុងប្រព័ន្ធប្រតិបត្តិការផ្សេងៗ។ ជាមួយនឹងការគាំទ្រពី Canon យើងសង្ឃឹមថា យើងអាចធ្វើអ្វីឲ្យកាន់តែប្រសើរឡើងនៅក្នុងប្រទេសកម្ពុជា៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
