កម្រឃើញ ម្តាយបង្កើតរបស់ព្រាប សុវត្ថិ ទៅតាមលើកទឹកចិត្ត ដល់កូន និងចៅៗបែបនេះណាស់

ភ្នំពេញ៖ កំពូលតារាចម្រៀងប្រចាំផលិតកម្មរស្មីហង្សមាសលោក ព្រាប សុវត្ថិ កាន់តែមានភាពល្បីល្បាញកាន់តែខ្លាំងបន្ទាប់ពីដឹកដៃកូនប្រុសសង្ហាទាំង៣ ចូលទ្រនំជាមួយខ្លួន មិនត្រឹមតែប៉ុណ្ណោះប្រជាប្រិយភាពរបស់ពួកគេ ក៏មិនចាញ់ឪពុកដែលឈរជើងយូរឆ្នាំនោះដែរ។

បច្ចុប្បន្ន តារាប៉ុន្មានដួងនេះ កាន់តែមានភាពមមាញឹកខ្លាំងនៅក្នុងសិល្បៈមិនថាតន្ត្រីតូចធំ តែអ្វីដែលគួរឲ្យចាប់អារម្មណ៍នោះគឺ ឲ្យតែពួកគេឡើងឆាកម្តងៗ តែងតែមានភរិយាដ៏ស្រស់ស្អាតរបស់លោកព្រាប សុវត្ថិ តាមមើលថែកូនៗ និងស្វាមីជានិច្ច ធ្វើឲ្យអ្នកគាំទ្រជាច្រើនច្រណែន ជាមួយនឹងសុភមង្គលគ្រួសាររបស់នាងខ្លាំងមែនទែន។

តែលើកនេះ មិនត្រឹមតែភរិយារបស់លោកនោះទេ សូម្បីតែអ្នកម្តាយរបស់លោកក៏បានមកតាមលើកទឹកចិត្តដល់កន្លែងធ្វើការតែម្តង ដោយក្នុងនោះម្តាយរបស់លោក បានបញ្ចេញសារមួយថា៖ «មកលើកទឹកចិត្តកូនប្រុសនិងចៅទាំងបី»។

តាមរយៈរូបភាព និងសារទាំងនេះ មើលទៅពិតជារំភើបជំនួសគ្រួសាររបស់លោកខ្លាំងមែនទែន ដែលមានម្តាយ និងភរិយា ដ៏ស្រស់ស្អាតតាមលើកទឹកចិត្តគ្រប់ពេលបែបនេះ៕

• ព្រាប សុវត្ថិ
• តារាខ្មែរ