ប៉េងប៉ោង នៅតែដឹងគុណឪពុក ទោះពេលនេះ លែងមានវត្តមានលោកតា ក៏ដោយ!

ភ្នំពេញ៖ តាំងតែតារាកំប្លែងជើងចាស់ដ៏ល្បីឈ្មោះ លោកតា វីតាមីនសេ បានទទួលមរណភាពរួចមក បានធ្វើឲ្យមិត្តរួមសិល្បៈ ក៏ដូចជាក្រុមគ្រួសារ កើតទុក្ខយ៉ាងខ្លាំង ជាពិសេសនោះ កូនស្រីរបស់លោក គឺអ្នកនាងប៉េងប៉ោង តែម្តង។

ស្របពេលជាមួយគ្នានេះដែរ តារារូបនេះ តែងតែបង្ហោះសារបង្ហាញសេចក្តីនឹករលឹកចំពោះឪពុកកាលពីថ្មីៗនេះ ផងដែលថា «កំប៉ោងចុះមកញ៉ុំាបាយកូនៗលែងបានឮសំលេងហៅកូនទៀតហើយប៉ាអើយផ្ទះយើងស្ងាត់ណាស់ កូនដឹងថាលោកប៉ាហត់ហើយប៉ាត្រូវការសម្រាក សម្រាកទៅណាលោកប៉ាណា កូនស្រីម្នាក់នេះនឹកលោកប៉ាខ្លាំងណាស់»។ តាមរយៈសារមួយនេះ ពិតជាធ្វើឲ្យអ្នកគាំទ្រក្តុកក្តួលក្នុងចិត្តខ្លាំងមែនទែន ដោយសារតែឃើញតារារូបនេះ តែងតែនៅក្បែរ]ពុកជានិច្ច តាំងតែលោកមិនទាន់ធ្លាក់ខ្លួនឈឺមកម្ល៉េះ។

ជាក់ស្តែង កាលពីម្សិលមិញនេះ អ្នកនាងប៉េងប៉ោង បាននាំយកចង្ហាន់ទៅប្រគេនព្រះសង្ឃ ដើម្បីឧទ្ទិសជូនដល់លោក ម៉ៅ សាមឿន (វីតាមីនសេ) បានទៅកាន់ទីដែលស្ងប់។

នៅក្នុងនោះដែរ អ្នកគាំទ្រជាច្រើនពិតជាសរសើរ ទៅដល់ទឹកចិត្តរបស់នាង ដែលមិនដែលភ្លេចលោកឪពុកជាទីស្រលាញ់ ទោះបីជាលោកស្លាប់ទៅចោលខ្លូនហើយក្តី ស្របពេលដែលចិត្តនៅតែនឹក ជាមួយអនុស្សាវរីយ៍ជាច្រើនជាមួយឪពុកនោះ៕

សូមទស្សនារូបភាពខាងក្រោមនេះ៖ 

• ប៉េងប៉ោង
• នាយ វីតាមីន​សេ
• តារាខ្មែរ