ខេត្តសៀមរាប ៖ ប៉ូលិសឃាត់ខ្លួនជនសង្ស័យម្នាក់រឿងករណីអំពើរហិង្សាដោយចេតនា ខណៈចេញពីញាំការស្រវឹងដូចគ្នាឃើញជនរងគ្រោះតាមញ៉ែបងស្រីរបស់ខ្លួនក៏មានគំនិតខឹងស្ទុះទៅចាប់វាយទាត់ធាក់ដោយគ្មានមូលហេតុបណ្តាលឱ្យរបួសធ្ងន់ដឹកយកមកសង្គ្រោះនៅមន្ទីរពេទ្យបង្អែកខេត្តសៀមរាប ។ ហេតុការបង្កអំពើរហិង្សាដោយចេតនានោះបានកើតឡើងនៅចំណុចវាលស្រែ ខាងលិចភូមិជ័យបូរ ចម្ងាយ១៧០ម៉ែត្រ ក្បែរប្រឡាយទឹក ក្នុងភូមិជ័យបូរ ឃុំពង្រក្រោម ស្រុកជីក្រែង ខេត្តសៀមរាប កាលពីម៉ោង០២និង៣០នាទីរសៀល ថ្ងៃទី២១ ខែមេសា ឆ្នាំ២០១៨ ។
លោកឧត្តមសេនីយ៍ត្រី ភឹង ចិន្តារ៉េត ស្នងការរងទទួលផែន ព្រហ្មទណ្ឌនៃស្នងការនគរបាលខេត្តបានប្រាប់នៅព្រឹកថ្ងៃទី២២ ខែមេសា ឆ្នាំ២០១៨ នេះថាមុនពេលកើតហេតុពលរដ្ឋបានរាយការណ៍មកនគរបាលប៉ុស្តិ៍ពង្រក្រោមថា មានករណីអំពើហិង្សាមួយ កើតឡើងនៅតាមវាលស្រែក្បែរប្រឡាយទឹក ក្នុងភូមិជ័យបូរ ឃុំពង្រក្រោម ស្រុកជីក្រែង ខេត្តសៀមរាប កាលពីម៉ោង០២និង៣០នាទីរសៀល ថ្ងៃទី២១ ខែមេសា ឆ្នាំ២០១៨ ដែលបង្កឡើងដោយជនសង្ស័យឈ្មោះ ហួត គឹមហ៊រ ភេទប្រុស អាយុ២៦ឆ្នាំ រស់នៅភូមិ កើតហេតុខាងលើ(ពីបទហិង្សាដោយចេតនា មានស្ថាន ទម្ងន់ទោស)បានវាយនឹងដៃ ទាត់ធាក់ ទៅលើជនរងគ្រោះឈ្មោះ ពៀត ជន ភេទប្រុស អាយុ៣៣ឆ្នាំ នៅភូមិថ្មី ឃុំ ពង្រក្រោម ស្រុកជីក្រែង ខេត្តសៀមរាប បណ្តាលឱ្យរបួសធ្ងន់រហូតសន្លប់ បាត់ស្មារតី ខណៈដែលជនរងគ្រោះចេញ ពីពិធីមង្គលការហើយមានលក្ខណៈស្រវឹងស្រាផង ពេលនេះត្រូវបានបញ្ជូនទៅសង្គ្រោះបន្ទាន់ នៅពេទ្យបង្អែកសូទ្រនិគម ដោយសារស្ថានភាពធ្ងន់ធរក៏បញ្ជូនបន្តមកកាន់មន្ទីរពេទ្យបង្អែកខេត្តសៀមរាបដើម្បីជួយសង្គ្រោះបន្ទាន់ ។
ក្រោយពេលសមត្ថកិច្ចឃាត់ខ្លនជនសង្ស័យបានសារភាពថា ខ្លួនបានប្រព្រឹត្តពិតប្រាកដមែនដោយ សារជនរងគ្រោះចេះតែមកទំនាក់ទំនងស្នេហា ជាមួយបងស្រីរបស់ខ្លួន ។ បច្ចុប្បន្នជនសង្ស័យត្រូវបានសមត្ថកិច្ចជំនាញរៀបចំកសាងសំណុំរឿងបញ្ជូនទៅតុលាការដើម្បីចាត់ការតាមផ្លូវច្បាប់ ៕
ប្រភព៖ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]