ខេត្តព្រះសីហនុ ៖ យុវជនសង្ស័យ២នាក់ត្រូវបានប៉ូលិសព្រហ្មទណ្ឌខេត្តចាប់ខ្លួនកាលពីថ្ងៃទី១១ មីនា ២០១២ បន្ទាប់ពីស្រាវជ្រាវរកឃើញថា ជនទាំងពីរនាក់នេះបានលួចយកកាបូបស្ត្រីជនជាតិស៊ុយអែត នៅតាមឆ្នេរសមុទ្រឯករាជ្យក្នុងខេត្តព្រះសីហនុ កាលពីព្រឹកថ្ងៃទី១០ មីនា ហើយត្រូវបានកសាងសំណុំរឿងបញ្ជូនទៅសាលាដំបូងខេត្ត នៅព្រឹកថ្ងៃទី១២ មីនា ២០១២ ។
លោកកុល ផាលី ស្នងការរងទទួលបន្ទុកការិយាល័យកណ្តាលព្រហ្មទណ្ឌខេត្តព្រះសីហនុបានប្រាប់ថា ជនសង្ស័យពីរនាក់នេះបានលួចយកទ្រព្យសម្បត្តិជនបរទេសយ៉ាងសកម្មនៅខេត្តព្រះសីហនុ។ ជនសង្ស័យទី១ មានឈ្មោះហែម ផារ៉ាត់ ភេទប្រុស អាយុ២២ឆ្នាំ ស្នាក់នៅផ្ទះជួលក្នុងភូមិ៣ សង្កាត់លេខ៤ ក្រុងព្រះសីហនុ ។ ទី២ មានឈ្មោះអ៊ឹង យោងផេង ភេទប្រុស អាយុ១៩ឆ្នាំ ស្នាក់នៅភូមិ៥សង្កាត់លេខ៤ ក្រុងព្រះសីហនុ។ ពួកគេបានធ្វើសកម្មភាពលួចយកកាបូបស្ពាយរបស់ស្ត្រីជនបរទេសឈ្មោះ FRIDA MANSSON អាយុ២៥ឆ្នាំ ជនជាតិស៊ុយអែត ជាអ្នកទេសចរ។
នៅចំពោះមុខសមត្ថកិច្ចជនសង្ស័យទាំងពីរនាក់បានសារភាពថា ពួកគេពិតជាបានលួចយកកាបូបស្ពាយជនបរទេសពិតប្រាកដមែន៕
ដោយ ៖ ធីតាកោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
