(ព្រះសីហនុ)៖ អគ្គិសនីកម្ពុជា បានឲ្យដឹងថា នៅវេលាម៉ោង១២៖១៥នាទីថ្ងៃត្រង់ ថ្ងៃទី២១ ខែមេសា ឆ្នាំ២០១៨នេះ មានការដាច់ចរន្តអគ្គិសនីចេញពីអនុស្ថានីយ ក្រុងព្រះសីហនុ ទ្វាចរន្តF2A ដែលមានទីតាំងស្ថិតនៅ ចំណតអូរត្រាវ ភូមិបាក់ត្រាង ឃុំរាម ស្រុកព្រៃនប់ ខេត្តព្រះសីហនុ។
បើតាមអគ្គិសនីកម្ពុជា មូលហេតុដែលនាំឲ្យមានដាច់ភ្លើងនេះ ដោយសារមានខ្យល់ភ្លៀងខ្លាំងបណ្តាលឲ្យរថយន្តសណ្តោងរអិលធ្លាក់ នៅចំណោតបិតត្រាង ហើយបោកប៉ះបង្គោលភ្លើង ខ្សែបណ្ដាញតង់ស្យុងមធ្យម ២២គីឡូវ៉ុល។
ទោះជាយ៉ាងណា ក្រោយកើតមានករណីនេះ ក្រុមការងារបច្ចេកទេស បានធ្វើការជួសជុល និងភ្ជាប់ចរន្តជូនអតិថិជន ឲ្យមានចរន្តអគ្គិសនីប្រើប្រាស់ឡើងវិញ នៅវេលាម៉ោង០៣៖៣៥នាទីរសៀលថ្ងៃដដែល។
ជាមួយគ្នានេះ អគ្គិសនីកម្ពុជា ក៏សូមការយោគយល់ និងអធ្យាស្រ័យពីអតិថិជន ចំពោះការដាច់ចរន្តអគ្គិសនីនេះផងដែរ៕
ប្រភព៖ freshnewa
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
