ខេត្តស្វាយរៀង ៖ សេចក្តីរាយការណ៍បឋមឲ្យដឹងថា មានបុរសម្នាក់បានតាំងខ្លួនធ្វើជាអ្នកសច្ចំមានបារមីខ្ពង់ខ្ពស់ ល្បីមើលជំងឺ និងដាក់ស្នេហ៍ស្នូកចំពោះអ្នកមានជំនឿ ទីបំផុតត្រូវបានសមត្ថកិច្ចចាប់ខ្លួន កាលពីវេលាម៉ោង៧ព្រឹកថ្ងៃ១៩ មេសា ខណៈដែលបុរសរូបនោះប៉ុនប៉ងចាប់រំលោភនារីម្នាក់ បានទៅឲ្យគ្រូធ្វើស្នេហ៍ ។ បុរសតាំងខ្លួនជាអ្នកសច្ចំឈ្មោះ កឹម ស៊ាម អាយុ៣៣ឆ្នាំ ទីលំនៅភូមិព្រៃរលួស ឃុំចន្ត្រី ស្រុករមាសហែក ខេត្ត ស្វាយរៀង ។
តាមការរៀបរាប់ពីសំណាក់ជនរងគ្រោះអាយុ២០ឆ្នាំ ដែលត្រូវអ្នកសច្ចំប៉ុនប៉ងរំលោភសេពសន្ទវៈ បានប្រាប់សមត្ថកិច្ចឲ្យដឹងថា នៅវេលាព្រឹកថ្ងៃទី១៩ មេសា ខ្លួនចង់ដឹង និងចង់មើលគូស្នេហ៍ត្រូវដល់ពេលណា បានទៅរកឈ្មោះកឹម ស៊ាន ដែលតាំងខ្លូនជាគ្រូសច្ចំ មានបារមីយាយម៉ៅ ព្រះគោព្រះកែវ បារមីស្តេចដំរីស បារមី លោកតាដំបងក្រញូង ដែលមានអាស្រមនៅឆ្ងាយពីភូមិបន្តិច ដើម្បីឲ្យទសទាយមើល ។ ពេលដំបូងលោកគ្រូសច្ចំបាន ឱ្យនាងចូលក្នុងអាស្រម ដែលមានតែមនុស្សពីរនាក់ ហើយឲ្យអង្គុយបែរខ្នងទៅរកគ្រូ ។ ពេលនោះ លោកគ្រូបានយកដៃបេះទំពក់ឡេវអាវទ្រនាប់នាងចេញ រួចឱ្យបែរមុខទៅរកគ្រូវិញ ហើយគ្រូក៏បានលាត់អាវនាងឡើងលើ និងបានធ្វើសកម្មភាពច្របាច់ដោះ និងអឹមដោះ ដោយលោកគ្រូបាននិយាយថា នេះជាការបញ្ចូលស្នេហ៍ ។
នាងរងគ្រោះបន្តថា ក្នុងពេលធ្វើសកម្មភាព លោកគ្រូសច្ចំបានចាប់នាងផ្តួលបំរុងរំលោភសេពសន្ទវៈ តែត្រូវបាននាងរើបម្រះស្ទុះ រត់ចេញពីកន្លែងកើតហេតុ ដើម្បីរកសមត្តកិច្ចឲ្យជួយអន្តរាគមន៍ ដោយបន្សល់ទុកទ្រនាប់ជើងមួយ ពណ៌ផ្កាឈូក១គូ និងម៉ូតូ១គ្រឿង នៅអាស្រមលោកគ្រូសច្ចំ ។ ក្រោយកើតហេតុ ជនតាំងខ្លួនជាអ្នកសច្ចំ ក៏ត្រូវបានសមត្ថកិច្ចឃាត់ខ្លួនភ្លាមដែរ និងបានកសាងសំណុំរឿងបញ្ជូនទៅសាលាដំបូងខេត្តតាមនិតិវិធី ៕
ប្រភព៖ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]