ខេត្តកំពង់ឆ្នាំង ៖ បុរសម្នាក់ដោយសារតែប្រពន្ធឃ្លាតទៅឆ្ងាយធ្វើជាកម្មករសំណង់អស់រយៈពេលជាយូរខែថ្ងៃ ហើយបានទូរស័ព្ទឱ្យនាងត្រឡប់មកផ្ទះវិញ តែនាងពុំព្រមមកតាមអង្វរក៏ដាច់ចិត្តផឹកថ្នាំបំពុលកណ្តុរលាយជាមួយស្រា បណ្តាលឱ្យស្លាប់ ខណៈបញ្ជូនដល់មន្ទីរពេទ្យ ហើយគ្រូពេទ្យជួយសង្គ្រោះអស់លទ្ធភាព។ ហេតុការណ៍នេះបានកើតឡើង កាលពីវេលាម៉ោង១និង៣០នាទីរសៀលថ្ងៃទី១១ មីនា នៅលំនៅឋានរបស់បុរសរងគ្រោះ ស្ថិតនៅភូមិចំការតាម៉ៅ ស្រុករលាប្អៀរ ។
បើតាមការរៀបរាប់របស់ប្អូនស្រីបង្កើតជនគិតខ្លីរូបនេះបានបញ្ជាក់ថា បងប្រុសនាងមានឈ្មោះហ៊ន សុភា អាយុ៣២ឆ្នាំ មានប្រពន្ធឈ្មោះផាន សុឃីម អាយុ៣០ឆ្នាំ ពីរនាក់ប្តីប្រពន្ធមានកូនប្រុសមួយអាយុ៥ឆ្នាំ ។ នាងបន្តទាំងយំខ្សឹកខ្សួលអាណិតបងប្រុសនាងថា បងថ្លៃនាងឈ្មោះផាន សុឃីម បានចេញទៅធ្វើកម្មករសំណង់នៅក្រុងប៉ោយប៉ែត៥ទៅ៥ខែហើយ ដោយទុកកូន អាយុ៥ឆ្នាំ ឱ្យប្តីមើលថែ ។
នៅយប់ថ្ងៃទី១០ មីនា បងប្រុសនាងបានទូរស័ព្ទទៅប្រពន្ធ ហើយបានអង្វរឱ្យត្រឡប់មកផ្ទះវិញ ប៉ុន្តែប្រពន្ធគាត់ប្រកែកមិនព្រមមក ហើយការសន្ទនាតាមទូរស័ព្ទមិនដឹងថា
និយាយអ្វីខ្លះទៀតទេ តែបានឮឈ្លោះប្រកែកគ្នាខ្លាំងៗ លុះដល់ស្អែកឡើងម៉ោងជាង១រសៀល ស្រាប់តែគេផ្អើលឆោឡោថា បងប្រុសនាងបានផឹកថ្នាំកណ្តុរលាយជាមួយស្រាប្រកាច់ពេញផ្ទះ។
ឃើញដូចនេះអ្នកជិតខាង និងក្រុមគ្រួសារបានជួយសង្គ្រោះបញ្ជូនទៅមន្ទីរពេទ្យខេត្ត ប៉ុន្តែពុំទាន់បាន១០នាទីផង បងប្រុសក៏ស្លាប់បាត់បង់ជីវិតទៅ ។ គ្រូពេទ្យប្រាប់ថា មិនដឹងផឹកថ្នាំកណ្តុរពីថ្មើរណានោះទេ ទើបផ្អើលពេលប្រកាច់ម៉ោង១និង៣០នាំទីរសៀល ថ្នាំជ្រាបពេញខ្លួន អស់ទៅហើយ ដូចយកមនុស្សស្លាប់មកឱ្យពេទ្យជួយ ជួយមិនទាន់ទេ គឺយឺតពេលហើយ ៕
.jpg)
ដោយ ៖ ធីតាកោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
