កូរ៉េខាងត្បូង៖ នៅក្នុងខែមេសានេះ មានសារព័ត៌មានបរទេសមួយបានចុះផ្សាយថា បច្ចុប្បន្ននេះ ប្រជាជននៅក្នុងប្រទេសកូរ៉េខាងត្បូងជាច្រើននាក់ កំពុងតែឈ្លក់វង្វេងនឹងសម្រស់របស់នារីៗវ័យក្មេងជាជនជាតិកូរ៉េខាងជើងចំនួន ៥ នាក់ ដោយសារតែសម្រស់ដ៏ស្រស់ផូរផង់អំណោយផលពីធម្មជាតិរបស់ពួកគេ។
ជាក់ស្តែងក្នុងនោះដែរ គេឃើញពួកគេសុទ្ធតែមានអាយុត្រឹមជាង ២០ ឆ្នាំប៉ុណ្ណោះ ហើយភាគច្រើនគឺកំពុងតែចាប់អាជីពជាអ្នកបម្រើសេវាកម្មនៅតាមភោជនីយដ្ឋាន និងនៅតាមបណ្តាសណ្ឋាគារល្បីៗ។
ហើយអ្វីដែលគួរឱ្យចាប់អារម្មណ៍ខ្លាំងមែនទែននោះគឺ ក្នុងចំណោមស្រីស្អាតវ័យក្មេងៗទាំង៥រូបនេះ គឺមាននារីវ័យក្មេងម្នាក់ កំពុងតែបម្រើការងារនៅក្នុងភោជនីយដ្ឋាន Pyongyang ក្នុងខេត្តសៀមរាប ប្រទេសកម្ពុជាយើង។
តោះមកតាមដានជាមួយគ្នាដូចខាងក្រោម៖
១) កញ្ញា Baek Gwang Suk៖ នាងកើតនៅឆ្នាំ ១៩៩២ បច្ចុប្បន្នជាអ្នកធ្វើការនៅក្នុងភោជនីយដ្ឋាន Pyongyang ខេត្តសៀមរាបប្រទេសកម្ពុជា ដោយមានទំនាក់ទំនងល្អជាមួយភ្ញៀវណាស់ និងមានការទទួលស្គាល់ពីប្រជាជនកូរ៉េខាងត្បូងថា នាងមានសមត្ថភាពក្នុងការបម្រើសេវាកម្មថែមទាំងមានលក្ខណៈពិសេសមួយដាច់ពីគេថែមទៀត ក្រៅពីមានសម្រស់ដ៏ស្រស់ស្អាត។
២) កញ្ញា Yang Yun Mi៖ កើតនៅឆ្នាំ ១៩៩៨ សព្វថ្ងៃមានអាយុត្រឹមតែ ១៨ ឆ្នាំប៉ុណ្ណោះ កំពុងតែពេញមានសម្រស់ស្រស់ស្អាតខ្លាំងអង្រួនចិត្តមនុស្សជាច្រើននាក់។ បច្ចុប្បន្ននេះនាងគឺជាអ្នកទទួលភ្ញៀវ នៅសណ្ឋាគារ Kumgangsan ក្នុងប្រទេសកូរ៉េខាងជើង។
៣) កញ្ញា Kim Eun Ah៖ គឺជាអ្នករបាំម្នាក់នៅក្នុងភោជនីយដ្ឋានលំដាប់អន្តរជាតិ Pyongyang។ នាងត្រូវបានទទួលការយកចិត្តទុកដាក់យ៉ាងខ្លាំង ពីអ្នកលេងបណ្តាញសង្គម ព្រោះតែមុខមាត់ និងសម្រស់ស្រស់ស្អាតរបស់នាង ស្រដៀងគ្នាទៅនឹងតារាស្រី Sulli ។
៤) កញ្ញា Cho Myung Ae៖ គឺជាផ្នែកមួយនៃក្រុមជម្រើសជាតិកូរ៉េខាងជើង ដែលមានទាំងអ្នកគាំទ្រតាមហាងកាហ្វេ និងតាមបណ្តាញសង្គមផ្ទាល់ខ្លួនរបស់នាង ដោយសារភាពស្រស់ស្អាតពីធម្មជាតិលើសស្រីនានា។ នាងក៏បានបង្ហាញខ្លួននៅក្នុងរឿង ដែលកើតឡើងពីការសហការគ្នារវាងកូរ៉ខាងជើង និងខាងត្បូងផងដែរ របស់ទូរទស្សន៍ KBS។
៥) នារីកូនភ្លោះ ២ នាក់នៅកូរ៉េខាងជើង៖ បានទទួលការយកចិត្តទុកដាក់យ៉ាងខ្លាំងពីសំណាក់អ្នកលេងបណ្តាញសង្គម កាលពីឆ្នាំ ២០០៥ ដោយសារភាពស្រស់ស្អាតរបស់ពួកគេ។
មិនតែប៉ុណ្ណោះពួកគេទាំង ២ ក៏មានលក្ខណៈពិសេសយ៉ាងទន់ភ្លន់ផងដែរ ដោយត្រូវបានគេមើលឃើញថាថ្ងៃអនាគត អាចនឹងក្លាយទៅជាសមាជិកនៃក្រុមចម្រៀង K-pop ណាមួយ។
ជាក់ស្តែងថ្មីៗនេះ ពួកគេក៏បានឡើងសម្តែងនៅលើកញ្ចក់ទូរទស្សន៍កូរ៉េខាងជើងមួយផងដែរ ដោយមានការតុបតែងជានារីសក់ខ្លី មានសម្រស់ស្រស់ស្អាតដូចគ្នា៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
