ភិន សុដាលីស «ចង់សម្តែងជាតួអ្នកក្រ ជាងតួអ្នកមាន» (មានវីដេអូ)

ភ្នំពេញ៖ តួឯកស្រីក្នុងរឿង «ម្ចាស់បំណុល» អ្នកនាងភិន សុដាលីស កាលពីថ្ងៃទី៧ ខែមេសា ឆ្នាំ២០១៨បានអញ្ជើញចូលរួមក្នុងកិច្ចសម្ភាសន៍ជាមួយកម្មវិធី ព័ត៌មានសិល្បៈ និងកម្សាន្ត របស់ស្ថានីយទូរទស្សន៍ភីអិនអិន ដោយបានលើកឡើងថាអ្នកនាងចង់សម្តែងជាតួអ្នកក្រ ជាងតួអ្នកមាន។ មូលហេតុដែលធ្វើឲ្យអ្នកនាងចង់សម្តែងជាតួអ្នកក្រ ក៏ព្រោះតែអ្នកនាងសុំាជាមួយការសម្តែងជាតួអ្នកក្រ ជាពិសេសការតុបតែងខ្លួន ឬការស្លៀកពាក់ងាយស្រួលជាងតួអ្នកមាន។

សូមបញ្ជាក់ដែរថា អ្នកនាងភិន សុដាលីស គឺជាតួឯកស្រីមួយរូបក្នុងរឿង «ម្ចាស់បំណុល» ដែលនឹងត្រូវចាក់ផ្សាយនៅលើកញ្ចក់ទូរទស្សន៍ភីអិនអិន ចាប់ពីថ្ងៃទី ២០ ខែមេសា រៀងរាល់ថ្ងៃព្រហស្បត្តិ៍-សៅរ៍ វេលាម៉ោង ៧:៥០-៩:០០យប់។ ខ្សែភាពយន្តនេះអ្នកនាងចាប់ដៃគូសម្តែងជាមួយបុរសសង្ហារគឺលោក ភឹម តារាវិបុល រួមនិងសិល្បៈករជើងចាស់ ជើងថ្មីបញ្ចេញថ្វីដៃក្នុងរឿងភាគមួយនេះ មិនធ្វើឲ្យទស្សនិកជនខកបំណងឡើយ។

រឿង «ម្ចាស់បំណុល» គឺជារឿងភាគបែបមនោសញ្ចេតនាមួយ ដែលបានឆ្លុះបញ្ចាំងពីការអប់រំ កតញ្ញូ និងការតស៊ូរហូតទទួលបានជោគជ័យ ជាពិសេសរឿងភាគខ្មែរមួយនេះក៏បានបង្ហាញឲ្យឃើញថាសុច្ចរិត ទៀតត្រង់ មានតម្លៃជាងទ្រព្យសម្បតិ្ត។ 

តើខ្សែរឿង «ម្ចាស់បំណុល» ល្អមើលយ៉ាងណា បង្កប់ន័យអប់រំយ៉ាងណា សូមកុំភ្លេចចូលរួមទស្សនាទាំងអស់គ្នា នៅលើកញ្ចក់ទូរទស្សន៍ភីអិនអិន៕

សូមទស្សនាឈុតខ្លីតាមរយៈវីដេអូខាងក្រោម៖

• ភិន សុដាលីស
• ភាពយន្ត
• វីដេអូ