រូបមន្តទាំង៣ សម្រាប់អ្នកស្បែកមុខស្ងួត អាចធ្វើឲ្យមានសំណើម រលោងស្អាតបែបធម្មជាតិ!

អ្នកត្រូវដឹងថាផលិតផលមួយចំនួន ដែលអ្នកកំពុងប្រើប្រាស់ ឬមិនទាន់ប្រើប្រាស់ក៏ដោយគឺពុំអាចជួយព្យាបាលស្បែកមុខរបស់អ្នកបានគ្រប់បញ្ហាស្បែកនោះទេ។ ផលិតផលខ្លះអាចធ្វើឲ្យស្បែកមុខរបស់អ្នកស្អាតតាមបំណង ប៉ុន្តែជួនកាលវាអាចផ្តល់ផលអវិជ្ជមានមកវិញនៅពេលអ្នកឈប់ប្រើ ឬនៅក្នុងអំឡុងពេលអ្នកកំពុងប្រើ។

ពេលនេះបញ្ហាស្បែកមុខស្ងួតជាបញ្ហាដ៏ធំមួយ ដែលធ្វើឲ្យស្បែកមុខគ្រើម ប្រះ ឆាប់ជ្រួញ និង មានភាពពិបាកនៅក្នុងការតុបតែង(Make up) ហើយថែមទាំងធ្វើឲ្យផ្ទៃមុខរបស់អ្នកមើលទៅអាក្រក់មើលទៀតផង។

ហេតុនេះ ដើម្បីដោះស្រាយបញ្ហាមួយនេះ អ្នកអាចសាកល្បវិធីធម្មជាតិងាយៗ ដែលអ្នកអាចធ្វើបានដូចខាងក្រោម៖

១/ អាល់ម៉ុនស្រ្កាប់ (Almond)

ចំពោះស្រ្កាប់មុខមួយនេះវាមានផ្ទុកទៅដោយវីតាមីន C និង វីតាមីន E ដែលអាចជួយព្យាបាលបញ្ហាស្បែកស្ងួត ធ្វើឲ្យស្បែកមុខមានសុខភាពល្អ និង ផ្តល់សំណើមដល់ស្បែក។

គ្រឿងផ្សំរួមមាន៖

• ទឹកដោះគោអាល់ម៉ុន ១ពែង

• ប្រេងធម្មជាតិអាល់ម៉ុន កន្លះពែង

• ប្រេងឡាវែនឌ័រ ២ ទៅ ៣ដំណក់

(គ្រឿងផ្សំទាំង៣នេះមានលក់នៅតាមផ្សារទំនើប)

វិធីអនុវត្តន៍៖

• ជំហានដំបូងអ្នកត្រូវលាយទឹកដោះគោអាល់ម៉ុន ជាមួយនឹងប្រេងធម្មជាតិអាល់ម៉ុនជាមុនសិន បន្ទាប់មកទើបបន្ថែមប្រេងឡាវែនឌ័រចូល

• ក្រោយពីលាយចូលគ្នាសព្វល្អហើយ អ្នកត្រូវយកល្បាយលាបនៅលើមុខរយៈពេល ៤ ឬ ៥នាទី មុនពេលលាងសម្អាតចេញជាមួយនឹងទឹកត្រជាក់ ហើយជូតឲ្យស្ងួតល្អ។ 

២/ ប្រេងដូង និង ក្រូចឆ្មារសម្បកលឿង

បើនិយាយពីគ្រឿងផ្សំទាំងនេះវិញគឺវាសុទ្ធតែផ្តល់អត្ថប្រយោជន៍ដល់ស្បែក ជាពិសេសនោះគឺសម្រាប់អ្នកដែលមានស្បែកមុខស្ងួតតែម្តង។

គ្រឿងផ្សំរួមមាន៖

• ប្រេងដូចធម្មជាតិ កន្លះពែង

• ស្ករត្នោត ១ស្លាបព្រាបាយ

• ទឹកក្រូចឆ្មារសម្បកលឿង ១ស្លាបព្រាបាយ (Lemon រកទិញបាននៅផ្សារទំនើប)

វិធីអនុវត្តន៍៖

• វិធីនេះមានភាពងាយស្រួលនោះទេ ដោយអ្នកគ្រាន់តែលាយគ្រឿងផ្សំទាំងបីនេះបញ្ចូលគ្នាឲ្យសព្វល្អ រួចយកវាទៅលាបនៅលើមុខ និងទុករយៈពេលប្រហែល ៥នាទី ទើបលាងសម្អាតជាមួយនឹងទឹកត្រជាក់ចេញ ដោយជូតឲ្យស្ងួតជាការស្រេច។ 

៣/ ល្ហុង រមៀត និង ប្រទាលកន្ទុយក្រពើ

ស្រ្កាប់ដែលផ្សំឡើងដោយគ្រឿងផ្សំទាំងនេះមិនត្រឹមតែធ្វើឲ្យស្បែកមុខស្ងួតប្រែជាមានសំណើមនោះទេ ប៉ុន្តែវាថែមទាំងជួយកម្ចាត់រន្ធញើសធំ បំបាត់ស្នាមជាំ និង ធ្វើឲ្យស្បែកមានសុខភាពល្អ។

គ្រឿងផ្សំរួមមាន៖

• ល្ហុងទុំ ៣ដុំសមល្មម

• ប្រទាលកន្ទុយក្រពើ សមល្មម(យកសាច់របស់វា)

• ម្សៅរមៀត ១ស្លាបព្រាបាយ

វិធីអនុវត្តន៍៖

• ជាដំបូង អ្នកត្រូវយកល្ហុង និង សាច់ប្រទាលកន្ទុយក្រពើលាយចូលគ្នាឲ្យសព្វល្អ រួចទើបចាក់ម្សៅរមៀតចូល ហើយធ្វើការកូរច្របល់ម្តងទៀត ដើម្បីឲ្យវាសព្វល្អ។

• ក្រោយពីលាយរួច យកល្បាយនេះលាបនៅលើមុខដោយប្រុងប្រយ័ត្ន និង ទុកប្រហែល ៥នាទី ទើបលាងសម្អាតជាមួយនឹងទឹកត្រជាក់។ អ្នកអាចអនុវត្តន៍វិធីនេះ ២ដងក្នុងមួយសប្តាហ៍៕