ថៃ: បន្ទាប់ពីហេតុការណ៍ស្លាប់របស់តារាសម្តែងស្រីវ័យក្មេង Nitchapat បានកើតមានឡើងគួរឲ្យរន្ធត់ចិត្ត រួចមក ពេលនេះ ក៏មានរឿងរ៉ាវមួយចំនួន នៃការថតខ្សែភាពយន្តរបស់នាង ដែលត្រូវបានមហាជនជាច្រើន យល់ឃើញថាវាមានការជាប់ពាក់ព័ន្ធជាមួយជំនឿរបស់ដួងព្រលឹងអ្នកស្លាប់ មកតាមនាង។
ព្រោះថា មុនពេលកើតហេតុ ចំនួន២ថ្ងៃ តារាសម្តែងស្រីវ័យក្មេងរូបនេះ បានថតខ្សែ ភាពយន្តភាគខ្លី ដែលមានចំណងជើងថា «Bangkok Ghost Stories» ហើយក្នុងនោះដែរ នាងក៏បានដើរតួជាតួឯកស្រី ដែលតែងតែអាចមើលឃើញដួងព្រលឹងខ្មោចស្រីម្នាក់ ដែលរមែងតែងតែតាមលងបន្លាចតួឯកប្រុស ជារៀងរាល់យប់។
ស្របពេលជាមួយគ្នានេះដែរ ក្រោយពេលកើតហេតុរឿងរ៉ាវ ដ៏គួរឲ្យភាពខ្លាចរបស់នាង រួចមក អ្នកដឹកនាំរឿងក្នុងខ្សែភាពយន្តខាងលើនេះ ក៏បានធ្វើការបង្ហាញពីសេចក្តីសោកស្តាយ ក្នុងការ បាត់បង់ធនធាន អ្នកមានទេពកោសល្យ ព្រមទាំងសមត្ថភាពដូចជានាង ផងដែរ។
ទាំងអស់នេះហើយ ដែលកាន់តែធ្វើឲ្យមហាជនជាច្រើន មានការយល់ឃើញកាន់តែច្បាស់ទៀតថា វាប្រហែលជាអាចបណ្តាលមក ពីការថតខ្សែភាពយន្តខ្មោចនេះហើយ ទើបធ្វើឲ្យនាងបានកើតមានឡើងនូវហេតុការណ៍ គ្រោះថ្នាក់ចរាចរណ៍យ៉ាងសាហាវ តែម្នាក់ឯង រហូតដល់បាត់បង់ជីវិត នាពេលភ្លាមៗយ៉ាងដូច្នេះទៅ៕
ដូច្នោះ ចំពោះប្រិយមិត្តវិញយល់យ៉ាងណាដែរ ពីរឿងរ៉ាវខាងលើនេះ?
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]