ភ្នំពេញ៖ តាមរយៈការសម្តែង នៅក្នុងវីដេអូបទចម្រៀង Original Song កន្លងមករបស់ តារាប្រុស អេនឌី គេសង្កេតឃើញថា ភាគច្រើនសុទ្ធសឹងតែមានបញ្ចូលនូវ ឈុតស៊ិចស៊ី ថើបគ្នាជាមួយតួសម្តែងស្រីល្បីៗជាច្រើនដួងយ៉ាងស្និទ្ធស្នាល មិនសំចៃដៃ រហូតដល់ថ្នាក់ធ្វើឲ្យអ្នកគាំទ្របុរសៗជាច្រើននាក់ លួចច្រណែននឹងលោកថែមទៀតផង។
ប៉ុន្តែមិនថាយ៉ាងណា ស្រាប់តែមួយរយៈចុងក្រោយនេះ គេចាប់អារម្មណ៍ឃើញនូវ បទចម្រៀងថ្មីរបស់លោក អេនឌី ដែលមានចំណងជើងថា «ជឿអូនខុសអស់» ដោយការសម្តែងនៃវីដេអូនេះ មានលក្ខណៈខុសដាច់ទាំងស្រុងទៅនឹងការសម្តែងចាស់ៗរបស់លោកកន្លងមក។
ជាការពិត បទចម្រៀងថ្មី«ជឿអូនខុសអស់» របស់លោក អេនឌី ដែលរួមសម្តែងជាមួយនឹងតារាស្រីស៊ិចស៊ី ពេជ្រ អាវីហ្សា បានធ្វើឲ្យអ្នកគាំទ្រប្លែកភ្នែក ដោយសារតែការសម្តែងនៅក្នុងបទចម្រៀងនេះ មិនមានភាពស៊ិចស៊ី ឱបថើបស្រើបស្រាល ដូចជាវីដេអូចម្រៀងពីមុនៗឡើយ ផ្ទុយទៅវិញទៀតនោះ អាចនិយាយថាការសម្តែងបែបសុភាពៗរបស់លោក អេនឌី នេះ គឺជាចំណីអារម្មណ៍ប្លែកថ្មីមួយ សម្រាប់អ្នកគាំទ្រផងដែរ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]