អាល្លឺម៉ង់៖ កីឡាករ Arjen Robben និង Franck Ribery អាចនឹងទទួលបានរង្វាន់ពីក្លិប ក្រោយពីកីឡាករទាំងពីរបានជួយ ក្រុម Bayern Munich ឲ្យលើកពានក្របខ័ណ្ឌ Bundesliga កាលពីថ្ងៃសៅរ៍កន្លងទៅ។
អ្នកគ្រប់គ្រងក្លិប Bayern Munich លោក Karl-Heinz Rummenigge បានសសើរកីឡាករចាស់វស្សាទាំងពីររូបនៅក្នុងសន្និសីទសារព័ត៌មានមួយថា ពួកគេនៅតែបង្ហាញទម្រង់លេងដ៏ល្អទោះបីជាអ្នកទាំងពីរមានវ័យកាន់តែចាស់ទៅហើយក្តី។
លោក Rummenigge បានបន្តថា Robben និង Ribery បានស៊ូរួមសុខរួមទុក្ខជាមួយ Bayern Munich យូរគ្រាន់បើហើយ ដូច្នេះពួកគេនឹងទទួលបានរង្វាន់កុងត្រាថ្មីឆាប់ៗនេះ។
គួរឲ្យដឹងថា Robben បានបង្ហើបប្រាប់អ្នកសារព័ត៌មានកាលពីសប្តាហ៍មុនថា ខ្លួនអាចនឹងចូលនិវត្តន៍ បើក្រុម Bayern Munich សម្រេចចិត្តមិនផ្តល់កុងត្រាថ្មីដល់រូបគេ។ ប៉ុន្តែអតីតកីឡាកររបស់ក្រុម Chelsea រូបនេះបានបន្តទៀតថា រូបគេក៏កំពុងពិចារណាអំពីការផ្លាស់ប្តូរក្លិបថ្មីផងដែរ។
ដោយឡែក Ribery បានបញ្ជាក់ច្បាស់ហើយថា រូបគេនឹងចូលនិវត្តន៍ជាមួយ Bayern Munich ទោះបីជាមានសារព័ត៌មានខ្លះបានលេចឡើងថា មានក្រុមមួយចំនួននៅក្របខ័ណ្ឌកំពូលចិនកំពុងតែបង្ហាញការចាប់អារម្មណ៍លើខ្សែបម្រើសញ្ជាតិបារាំងរូបនេះក្តី៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
