អង់គ្លេស៖ គ្រូបង្វឹករបស់ក្រុម Manchester City លោក Pep Guardiola បានបង្ហើបថា ក្រុមរបស់លោកនៅមិនទាន់មានសមត្ថភាពគ្រប់គ្រាន់ដើម្បីប្រកួតប្រជែងនៅក្នុងក្របខ័ណ្ឌ Champions League នៅឡើយទេ។
លោក Pep Guardiola បាននិយាយបែបនេះក្រោយពីក្រុមរបស់លោកបានចាញ់ក្រោមដៃក្រុម Liverpool យ៉ាងស្ពិកមុខ កាលពី២ថ្ងៃមុន។
គ្រូបង្វឹកសញ្ជាតិអេស្ប៉ាញរូបនេះបានប្រាប់អ្នកសារព័ត៌មានថា ក្រុម Manchester City នៅមិនទាន់ល្អគ្រប់គ្រាប់ ទៅប្រកួតប្រជែងជាមួយក្រុមយក្សក្នុងទ្វីបអ៊ឺរ៉ុបដ៏ទៃទៀតដូចជា Real Madrid ឬ Barcelona នោះទេ។
គ្រូបង្វឹកវ័យ៤៧ឆ្នាំរូបនេះបានបន្តថា ទោះបីជា Man City មិនទាន់មានសមត្ថភាពអាចប្រជែងជាមួយក្លិបធំៗបានក្នុងពេលបច្ចុប្បន្នក៏ពិតមែន តែលោកគិតថាប្រហែលជាពីរទៅបីឆ្នាំទៀត ក្រុមមេឃខៀវមួយនេះនឹងមានសមត្ថភាពគ្រប់គ្រាន់ អាចរហូតទៅដល់ឈ្នះពាន Champions League។
ប៉ុន្តែ ទោះបីជាចាញ់ក្រុម Liverpool រហូតដល់ ៣ទល់០ យ៉ាងណាក្តីក៏លោក Guardiola បានលើកទឹកចិត្តឲ្យកូនក្រុមរបស់គាត់ខំប្រឹងឡើងវិញ នៅក្នុងការប្រកួតជើងទីពីរក្នុងទឹកដី Etihad Stadium។
គួរឲ្យដឹងថា ក្រុម Manchester City នឹងត្រូវបើកទ្វារស្វាគមន៍ក្រុម Manchester United នៅយប់នេះ វេលាម៉ោង ១១៖៣០នាទីយប់ ហើយបើ Manchester City ឈ្នះ នោះពួកគេនឹងមានសិទ្ធិលើកពាន Premier League ក្រោយចប់ការប្រកួតតែម្តង៕
ប្រភព៖ Goal
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
