សិង្ហបុរី៖ លោក Jian Yang គឺជាអ្នកដែលជក់ចិត្តខ្លាំង ទៅលើការប្រមូលផ្តុំតុក្កតាបាប៊ី ដើម្បីយកមកច្នៃម៉ូតរ៉ូបជាច្រើន និងប្លែកៗពីគ្នា។
បុរសជាហ្វេនផ្កាប់មុខស្រលាញ់តុក្កតាបាប៊ី វ័យ៣៨ឆ្នាំ ជនជាតិសិង្ហបុរីរូបនេះ បានប្រមូលផ្តុំតុក្កតាទាំងនោះ តាំងពីលោកនៅវ័យជំទង់មកម្ល៉េះ។ ជាមួយតុក្កតាបាប៊ីជាង ៦,០០០ពាន់ និងតុក្កតាផ្សេងៗរាប់ពាន់ទៀតនោះ លោក Yang ត្រូវបានគេចាត់ទុកថា ជាអ្នកដែលបានប្រមូលផ្តុំ តុក្កតាបាប៊ី ច្រើនជាងគេនៅក្នុងពិភពលោក។
ការប្រមូលផ្តុំតុក្កតាដ៏ច្រើនសន្ធឹកសន្ធាប់នេះ គឺជារឿងដ៏អស្ចារ្យ មិនអាចប្រកែកបាននោះ ការច្នៃម៉ូតរ៉ូបសម្រាប់តុក្កតាទាំងនោះ គឺរឹតតែអស្ចារ្យជាងនេះទៅទៀត។ រ៉ូបទាំងនោះ មិនត្រឹមតែស្រស់ស្អាតខ្លាំងទេ ថែមទាំងត្រូវបានធ្វើឡើងពីវត្ថុធាតុដើម ដែលអ្នកអាចនឹងនឹកស្មានមិនដល់ថែមទៀតផង។
ជំនួសឲ្យការប្រើប្រាស់សាច់ក្រណាត់ប្រណីតៗ លោក Yang បានប្រើប្រាស់ក្រណាត់ទ្រាប់ពេលញ៉ាំអាហារ ក្រដាសបង្គន់ និងក្រដាសជូតមាត់ មកច្នៃជាម៉ូតរ៉ូប ដែលពោរពេញដោយភាពច្នៃប្រឌិតខ្លាំងតែម្តង។
ចង់ដឹងថា ស្នាដៃរបស់លោក Yang ពិតជាគួរឲ្យកោតសរសើរយ៉ាងណា សូមទស្សនារូបភាពជាច្រើនខាងក្រោមនេះ៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក ប្លែកៗ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]