មុន និង ក្រោយ ពេលកែ អវយវៈភេទ របស់ Kim Petras

ប្រភពព័ត៌មាន បរទេសនានា បានបង្ហាញពី អតីតភាពរបស់ Kim Petras កាលពីថ្ងៃទី១១ ខែមករា ឆ្នាំ២០១២ កន្លងទៅនេះថា ក្មេងស្រីសញ្ជាតិ អាទ្បឺម៉ង់ម្នាក់នេះ មានអាយុ ១៦ឆ្នាំ ហើយនាងបានកែប្រែ អវយវៈភេទរបស់នាង ពីមនុស្សប្រុស មកជាមនុស្សស្រី បានទាំងស្រុងហើយ។

នាង Kim Petras កើតមកមានរូបដូចជាមនុស្សស្រី ស្ទើរតែ ១០០% ទៅហើយ ចម្លែកត្រង់តែម្យ៉ាងគត់ គឺនាងកើតមក នៅក្នុងខ្លួនមនុស្សប្រុស មានអវយវៈភេទ  របស់មនុស្សប្រុស។ គេសម្រេចកែភេទ របស់នាង ព្រោះថា គ្រប់ផ្នែកទាំងអស់ របស់នាងគ្មានត្រង់ណា ដូចជាមនុស្សប្រុស សូម្បីតែបន្តិច។

នាង Kim Petras ជាមនុស្សក្មេងជាងគេបង្អស់ ដែលបានកែអវយវៈភេទ ទាំងអស់ នៅពេលនាងមានអាយុ ទើបតែ១៦ឆ្នាំប៉ុណ្ណោះ ហើយការកែប្រែភេទនេះ គឺត្រូវបានចំណាយប្រាក់ ដោយមជ្ឈមណ្ឌលសុខភាពអាទ្បឺម៉ង់ ព្រោះគេបាននិយាយដូចនេះថា នាង ជាមនុស្សស្រីដែលកើតនៅក្នុងខ្លួនមនុស្សប្រុស។

នាងបានបំពេញបំណងរបស់នាងហើយ ដែលនាងស្រមៃចង់ក្លាយជាមនុស្សស្រីពេញលក្ខណៈតាំងតែពីតូច។ នាងចង់ក្លាយជាមនុស្សស្រី ពេញលក្ខណៈ តាំងពីនាងមានអាយុ ២ឆ្នាំមកម្ល៉េះ ដែល១៤ឆ្នាំក្រោយមកនាង បានសម្រេចបំណងរបស់នាង។

គួរបញ្ជាក់ថា នាងបានក្លាយជា តារាបង្ហាញម៉ូដម្នាក់ និងសព្វថ្ងៃកំពុងតែរៀន ខាងការរចនាម៉ូដទៀតផង។ នាង ជាតារាមួយរូប ដែលគ្មាននរណាម្នាក់ជឿសោះ ទ្បើយថា នាងបានកែភេទនោះទេ៕

ដោយៈ វាយោ

ផ្តល់សិទ្ធដោយ ដើមអម្ពិល

សូមប្រិយមិត្តជួយចុច Add a comment ដើម្បីផ្តល់ជាមតិ និងជួយ Share នៅលើ Facebook របស់អ្នក។