បរទេស៖ កាលពីថ្ងៃពុធ កន្លងទៅនេះ តារាស្រីល្បីឈ្មោះ នាង Kim Kardashian បានចែករំលែករូបភាព Selfie ដ៏សែនស៊ិចស៊ីមួយសន្លឹក នៅក្នុង Instagram របស់នាង។ លុះបន្តិចក្រោយមកនាងក៏បាន បង្ហោះរូបភាពមួយទៀត ដ៏កម្ររបស់នាងជាមួយស្វាមី Kanye West និងកូនៗទាំងបីរបស់នាង។
តារាភាពយន្តដែលមានវ័យ ៣៧ឆ្នាំ រូបនេះ បានបង្ហោះរូបភាព ដោយសរសេររៀបរាប់ថា៖
«អ្នកប្រហែលជាមិនដឹងទេថា វាពិបាកខ្លាំងណាស់ ទម្រាំតែថតរូបជុំគ្រួសារបានម្ដងៗបែបនេះ។ ប៉ុន្តែនេះជាអ្វីដែលពួកយើងទទួលបាន (ថតបាន) មុនពេលដែលកូនទាំងបីនាក់របស់ខ្ញុំចាប់ផ្តើមយំ។ ហើយវាក៏ធ្វើឲ្យយំចង់យំតាមពួកគេដែរ» ។
ក្រោយមក តារាស្រីរូបនេះ ក៏បានបង្ហោះរៀបរាប់ជាបន្ត បែបហួសចិត្ត និងអស់សំណើចខ្លួនឯង នៅលើបណ្តាញសង្គម Twitter ថា៖
«ដៃម្ខាងកាន់កូន និងដៃម្ខាងទៀត ចាប់ខ្នងរបស់ Saints ដោយសារតែ គេចង់តែរត់ចេញ» ។
គួរឲ្យដឹងផងដែរថា នេះជាលើកទី១ ហើយ ដែលក្រុមគ្រួសាររបស់នាង បានបង្ហាញរូបថតរបស់ពួកគេរួមគ្នា ចាប់តាំងពី Kim និង Kanye បាននាំកូនស្រីមករស់នៅ Chicago ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]