នៅក្មេងមែនតែ បុត្រ មានអ្នកគាំទ្រ តាមថតជាមួយព្រោងព្រាត មិនចាញ់តារាល្បីៗក្នុងស្រុក

ភ្នំពេញ៖ ជិតកៀកដល់ថ្ងៃពិធីបុណ្យចូលឆ្នាំថ្មីប្រពៃណីជាតិរបស់ខ្មែរយើងមែនទែនហើយ នៅតាមបណ្តាសាលារៀនរដ្ឋ និងឯកជនធំៗនានាក្នុងប្រទេសកម្ពុជាយើង ក៏បានប្រារព្ធធ្វើនូវពិធីសង្រ្កានឆ្នាំថ្មីតូចធំ ដើម្បីចូលរួមអបអរសាទរដល់ពិធីនេះ។

ជាក់ស្តែងនៅវិទ្យាល័យ ហ៊ុន សែន ប៊ុន រ៉ានី ផ្សារដើមថ្កូវ ក៏បានរៀបចំនូវពិធីយ៉ាងអធិកអធម ដើម្បីស្វាគមន៍ឆ្នាំថ្មីប្រពៃណីជាតិ ដោយមានចូលរួមច្រៀងកម្សាន្តពីសំណាក់តារាប្រុសស្រីល្បីៗជាច្រើននាក់ ជាមួយនឹងសិស្សនៅទីនោះ យ៉ាងសប្បាយរីករាយផងដែរ។

ទន្ទឹមនឹងនេះ ក៏ឃើញមានវត្តមានរបស់តារាចម្រៀង និងអ្នកនិពន្ធវ័យក្មេង ថៃ អតិជាតិបុត្រ ចូលរូមនៅក្នុងកម្មវិធីសង្រ្កានឆ្នាំថ្មីនេះទៀតផង ព្រមទាំងបានផុសនៅលើបណ្តាញទំនាក់ទំនងសង្គមហ្វេសប៊ុករបស់ខ្លួនដូច្នេះថា៖

«អរគុណបងប្អូន ដែលបានទទួលយ៉ាងកក់ក្ដៅ វិទ្យាល័យ ហ៊ុន សែន ប៊ុន រ៉ានី ផ្សារដើមថ្កូវ ជួបគ្នាឆ្នាំក្រោយណា៎»។

ក្នុងនោះគេឃើញមានអ្នកគាំទ្រជាច្រើននាក់ បានដេញតាមសុំថតរូបភាពទុកជាអនុស្សាវរីយ៍ជាមួយនឹង ថៃ អតិជាតិបុត្រ ឡើងណែនណាប់តែម្តង ស្ទើរតែរកផ្លូវដើរគ្មាន មិនចាញ់តារាប្រុសស្រីល្បីៗផ្សេងៗនៅក្នុងស្រុកនោះទេ។

ពិតជាធម្មតាមែន នៅក្មេងវ័យត្រឹមតែ ១៥ ឈានចូល ១៦ ឆ្នាំសោះ តារាចម្រៀង ថៃ អតិជាតិបុត្រ មានអ្នកគាំទ្រស្រលាញ់ចូលចិត្តខ្លាំង និងមានប្រជាប្រិយភាពយ៉ាងនេះពេលចេញទៅក្រៅម្តងៗទៅហើយ ចុះទម្រាំពេលធំឡើងទៀតនោះ?

តោះមកទស្សនារូបភាពខាងក្រោមនេះទាំងអស់គ្នា៖  

• ថៃ អតិជាតិបុត្រ
• តារាខ្មែរ