ភ្នំពេញ៖ ប្រិយមិត្តប្រាកដជាដឹងហើយថាកាលពីថ្មីៗនេះ មានការចែកចាយរូបភាពម៉ូតសម្លៀកបំពាក់របស់តារាពហុជំនាញ អ្នកនាងទូច ស្រីល័ក្ខ ដែលនាងបានយកក្រណាត់សារ៉ុង មកកែច្នៃទៅជាម៉ូតសម្លៀកបំពាក់មួយយ៉ាងស្រស់ស្អាត។
ការដែលធ្វើបែបនេះ អ្នកនាងបាននិយាយថា ចង់លើកស្ទួយនូវផលិតផលរបស់ខ្មែរ តែពេលនេះស្រាប់តែនាងមានគំនិតថា ត្រៀមនឹងចង់បើកហាងតូចមួយដែលផលិតនូវផលិតផលបែបខ្មែរ ដូចជាសម្លៀកបំពាក់ដែលច្នៃពីក្រណាត់សារ៉ុងនេះ។
នៅក្នុងនោះដែរ នាងបានលើកឡើងថា៖«ពេលខ្លះយើងគួរតែរកអីខ្លះមកកែច្នៃដើម្បីធ្វើឲ្យជីវិតយើងមានសេចក្តីសុខខ្លះទើបធ្វើឲ្យជីវិតមានន័យ នេះជាការច្នៃប្រឌិតរបស់ខ្ញុំដោយយកក្រណាត់សារ៉ុងមកច្នៃធ្វើរ៉ូប ឬក៏អាវពាក់ដូចជាយកមកធ្វើស្រោមខ្នើយជាដើម នេះជាការលើកស្ទួយផលិតផលខ្មែររបស់យើងឲ្យមានទីផ្សារបន្ថែមទៀត សារុងទូច ស្រីល័ក្ខ បើមានការគាំទ្រពីបងប្អូន និងបន្តធ្វើរ៉ូបក៏ដូចជាបើកកូនហាងមួយតូចសំរាប់លក់សំលៀកបំពាក់ធ្វើពីក្រណាត់សារុង»។
ស្របពេលជាមួយគ្នានេះដែរ អ្នកគាំទ្រមួយចំនួនពិតជាពេញចិត្តខ្លាំងមែនទែន ជាមួយនឹងគំនិតច្នៃប្រឌិតរបស់នាង ដែលគិតគូរពីរឿងមួយនេះ៕
ទស្សនារូបភាពខាងក្រោមនេះ៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]