ក្រុមហ៊ុន Grab បញ្ចូលគ្នាជាមួយក្រុមហ៊ុន Uber នៅអាស៊ីអាគ្នេយ៍៖ តើអ្នកធ្វើដំណើរត្រូវធ្វើអ្វីខ្លះ?

ភ្នំពេញ៖ ក្រុមហ៊ុន Grab បានបញ្ចូលគ្នាជាមួយក្រុមហ៊ុន Uber នៅអាស៊ី អាគ្នេយ៍ ហើយការរួមបញ្ចូលគ្នានេះក៏គ្របដណ្តប់ លើប្រតិបត្តិការធ្វើដំណើររបស់ក្រុមហ៊ុន Uber នៅកម្ពុជាផងដែរ។ តើនេះមានន័យយ៉ាងដូចម្ដេច ចំពោះអ្នកប្រើប្រាស់សេវាកម្មរបស់ Uber និង សេវាកម្មរបស់ Grab នៅកម្ពុជា?

ចំពោះអ្នកដំណើរ ឬអ្នកបើកបរនៅកម្ពុជានៅក្នុងរយៈពេលដ៏ខ្លីនេះ នឹងមិនមានអ្វីផ្លាស់ប្តូរទេ។ ប្រតិបត្ដិ ការនឹងបន្តដំណើរការជាធម្មតា ហើយខណៈពេលដែល Grab ធ្វើការបញ្ចូលគ្នាជាមួយក្រុមហ៊ុន Uber អ្នកដំណើរអាចរំពឹងថា នឹងទទួលបានសេវាកម្មល្អប្រសើរជាងមុន ជាមួយនឹងចំនួនអ្នកបើកបរច្រើន ក៏ដូចជាជម្រើសមធ្យោបាយធ្វើដំណើរច្រើនជាងមុននៅលើកម្មវិធី Grab ។ ដើម្បីទទួលបានភាពងាយ ស្រួល អ្នកអាចទាញយកកម្មវិធី Grab ឥឡូវនេះបាន ដោយសារតែវានឹងអនុញ្ញាតឱ្យអ្នកប្រើប្រាស់ ទទួលបានការជូនដំណឹងពីពត៌មានថ្មីៗ តាមរយៈប្រព័ន្ធជូនដំណឹងនៅលើកម្មវិធី។

ទន្ទឹមនឹងនេះដែរ សេវាកម្មរបស់ Uber នឹងបន្តមានវត្តមានរយៈពេលមូយសប្តាហ៍ទៀតក្នុងពេលដែល អ្នកបើកបរ Uber នឹងត្រូវបានដាក់បញ្ចូល នៅក្នុងប្រព័ន្ធទូរស័ព្ទGrab ។ បន្ទាប់ពីនោះ អ្នកនៅតែអាច ឆែកមើលការធ្វើដំណើរចាស់ៗរបស់អ្នក និង ការវាយតម្លៃនៅលើកម្មវិធី Uber ។ គណនី Uber របស់ អ្នក នឹងនៅតែដំណើរការ ហើយនៅតែអាចប្រើប្រាស់បាននៅពេលដែលអ្នកស្ថិតនៅក្នុងប្រទេសណា មួយផ្សេងពីតំបន់អាស៊ីអាគ្នេយ៍ដែលមានប្រតិបត្តិការរបស់សេវាកម្ម Uber ។

ចំពោះអ្នកប្រើប្រាស់សេវាកម្ម Grab ចំនុចដែលសំខាន់បំផុតគឺនៅដដែល ដែលពួកគេអាចធ្វើការកក់ការ ធ្វើដំណើរប្រចាំថ្ងៃយ៉ាងងាយស្រួល តាមតម្រូវការ ហើយជ្រើសរើសសេវាកម្មដឹកជញ្ជូន ដែលពួកគេ ពេញចិត្ត មិនថាឡាន ម៉ូតូ ឬសេវាកម្មសាកល្បងថ្មីដូចជា GrabTukTuk នៅភ្នំពេញ ក៏ដូចជា GrabRemorque នៅសៀមរាបផងដែរ។ លើសពីនេះទៅទៀត កម្មវិធី Grab អនុញ្ញាតឱ្យអ្នកធ្វើការកក់ មធ្យោបាយធ្វើដំណើរក្នុងពេលអ្នកកំពុងធ្វើដំណើរ មិនថាតែនៅក្នុងប្រទេសកម្ពុជានោះទេប៉ុន្តែនៅ ក្នុងបណ្ដាប្រទេស និងទីក្រុងធំ ៗ នៅអាស៊ីអាគ្នេយ៍ផងដែរ។

តាមរយៈការបញ្ចូលអាជីវកម្មរបស់ក្រុមហ៊ុន Uber, ក្រុមហ៊ុន Grab ក៏នឹងអាចផ្តល់ជូនសេវាកម្មបាន ល្អជាងមុនដល់អ្នកប្រើប្រាស់នៅកម្ពុជាផងដែរ។ ដោយនៅលើវេទិការបស់ Grab មានចំនួនអ្នកបើកបរ និងអ្នកដំណើរច្រើនជាងមុន មានន័យថាវាអាចកាត់បន្ថយពេលវេលារង់ចាំសម្រាប់អ្នកដំណើរ និង ផ្ដល់ការងារបន្ថែមទៀតសម្រាប់អ្នកបើកបរផងដែរ។

អ្នកដំណើរក៏អាចទទួលបានកាន់តែច្រើនពី Grab ផងដែរ។ ជាមួយនឹង GrabRewards អតិថិជនអាច ទទួលបានអត្ថប្រយោជន៍ជាច្រើន ដែលមាននៅក្នុងកម្មវិធី Grab ។ ធ្វើដំណើរ សន្សំពិន្ទុ និងប្តូរយក អត្ថប្រយោជន៍ជាច្រើនដូចជាការបញ្ចុះតម្លៃភ្លាមៗ ឬការបញ្ចុះតម្លៃសម្រាប់ការធ្វើការដំណើរបន្ទាប់។ លើសពីនេះទៀត Grab ក៏មានលក្ខណៈពិសេសដូចជា GrabPay ដែលអាចឱ្យអ្នកដំណើរធ្វើការ ចំណាយលើការធ្វើដំណើរដោយពុំមានការប្រើប្រាស់សាច់ប្រាក់។

ធ្វើការដើម្បីអនាគតដ៏ល្អប្រសើរ 

នៅពេលអនាគត Grab នឹងបោះជំហានឆ្ពោះទៅរកដំណាក់កាលបន្ទាប់នៃការរីកចម្រើន ដើម្បីបម្រើ ដល់ប្រជាជន សម្រាប់បំពេញតម្រូវការប្រចាំថ្ងៃរបស់ពួកគេ មិនថាជាការធ្វើដំណើរ ការចំណាយ ឬ រកចំណូលសម្រាប់គ្រួសាររបស់ពួកគេ។ Grab ក៏នឹងពង្រីកសេវាកម្មក្នុងតំបន់របស់ខ្លួនឱ្យបានកាន់តែ ឆាប់រហ័សដូចជា GrabBike, GrabTukTuk និង Grab Remorque ក៏ដូចជាស្វែងរកនូវឱកាសដើម្បីចាប់ ផ្តើមដំណើរការសេវាកម្មផ្សេងៗទៀត ដែលមានគោលបំណងលើកកម្ពស់ការរស់នៅ និងផ្តល់ការងារ បន្ថែម ផ្ដល់ភាពងាយស្រួល និងធ្វើឱ្យជីវភាពរស់នៅកាន់តែប្រសើរឡើងសម្រាប់សហគមន៍កម្ពុជា។

Grab និង Uber កំពុងធ្វើការជាមួយគ្នាដើម្បីបញ្ជូនអ្នកបើកបររបស់ Uber ទៅក្នុងវេទិការបស់ Grab ។ អ្នកបើកបររបស់ Uber អាចស្វែងយល់ពីរបៀបចុះឈ្មោះ ដើម្បីក្លាយជាអ្នកបើកបររបស់ Grab តាម ប្រព័ន្ធអ៊ីនធឺរណែត តាមរយៈ 
www.grab.com/kh/comingtogether។

សម្រាប់ពត៌មានបន្ថែមអំពី Grab សូមចូលទៅកាន់: https://www.grab.com/kh/