ទម្លាយមុខមាត់ គូស្នេហ៍ សុន ស្រីពេជ្រ សង្ហាខ្លាំងមិនចាញ់តួកុនប៉ុន្មានទេ

ភ្នំពេញ៖ តារាចម្រៀងសម្លេងស្រទន់ និងនិយមច្រៀងបទចម្រៀងមនោសញ្ចេតនា កញ្ញាសុន ស្រីពេជ្រ ឃើញថាមួយរយៈពេលចុងក្រោយនេះ ហាក់ដូចជាមិនសូវឃើញតារារូបនេះ ចេញមុខនៅក្នុងកម្មវិធីផ្សេងៗដូចមុន។

តែទោះជានាង បានឃ្លាតពីសិល្បៈមួយរយៈពេលក្តី តែសម្រាប់ប្រជាប្រិយភាពរបស់តារារូបនេះ គឺនៅតែទទួលបានការគាំទ្រខ្លាំង ពីអ្នកទស្សនិកជនដដែល។

ស្របពេលជាមួយគ្នានេះដែរ នៅក្នុងគណនីហ្វេសប៊ុករបស់តារារូបនេះ បានបង្ហោះរូបភាពជាច្រើន ដែលស្និទ្ធស្នាល ជាមួយនឹងបុរសម្នាក់ដែលជាគូស្នេហ៍របស់នាង នៅក្នុងដំណើរកម្សាន្តនៅក្រៅប្រទេស។

ងាកមកមើលសម្រស់ របស់គូស្នេហ៍របស់តារាចម្រៀងរូបនេះវិញ ឃើញថាពិតជាស្រស់សង្ហា និងក្មេងស្អាតមែនទែន ជាមួយនឹងស្ទីលតែងខ្លួនរបស់លោក ដោយមើលទៅពិតជាសាកសមជាមួយនឹងកញ្ញា សុន ស្រីពេជ្រតែម្តង។

យ៉ាងណាមិញ តាមរយៈការបង្ហោះរូបភាពទាំងនេះ ក៏មានអ្នកគាំទ្រមួយចំនួនចង់ដឹងពីដំណឹងល្អរបស់ពួកគេទាំងពីរនាក់ នាងក៏ឆ្លើយប្រាប់ថានាងនឹងគិតពីរឿងរៀបការ នៅឆ្នាំក្រោយនេះហើយ៕

សូមទស្សនារូបភាពខាងក្រោមនេះ៖ 

• សុន ស្រីពេជ្រ
• តារាខ្មែរ