ក្រុងប៉ោយប៉ែត ៖ នារីស្រស់ស្អាតម្នាក់ត្រូវបានគេប្រទះឃើញដើរតាមផ្លូវ កាលពីវេលាម៉ោង១១យប់ថ្ងៃទី១១ មីនា ២០១២ ស្ថិតក្នុងសភាពមិនប្រក្រតី ហើយត្រូវបានប្រជាពលរដ្ឋចោមរោមមើលបន្ទាប់មកបានរាយការណ៍ដល់សមត្ថកិច្ចនាំទៅព្យាបាលនៅគ្លីនិកឯកជន នៅភូមិក្បាលស្ពាន សង្កាត់ប៉ោយប៉ែត ។
តាមការបំភ្លឺពីប្រជាពលរដ្ឋដែលឃើញហេតុការណ៍បានឱ្យដឹងថា មុនដំបូងគេឃើញនារីម្នាក់មានអាយុប្រមាណ២០ឆ្នាំ ស្លៀកខោខៅប៊យជើងវែង ពណ៌ខ្មៅ ពាក់អាវយឺតដៃខ្លី ពណ៌ខ្មៅ ដើរតាមផ្លូវក្នុងភូមិសាស្ត្រខាងលើដោយមានសភាពមិនប្រក្រតីបានលើកដៃសំពះគេឯងក្នុងគោលបំណងឱ្យគេជួយ ប៉ុន្តែមិនអាចនិយាយស្តីបានឡើយ ។ បន្ទាប់មកក៏បានរាយការណ៍ដល់កម្លាំងកងរាជអាវុធហត្ថក្រុងប៉ោយប៉ែត ឱ្យចុះទៅត្រួតពិនិត្យតែម្តង ។
លោកវរសេនីយ៍ត្រី ហម ម៉ុត មេបញ្ជាការកងរាជអាវុធហត្ថក្រុងប៉ោយប៉ែត បានឱ្យដឹងថា នៅពេលដែលសមត្ថកិច្ចរបស់លោកចុះទៅដល់កន្លែងកើតហេតុឃើញនារីរូបស្រស់នោះមានសភាពមិនប្រក្រតីដោយនិយាយស្តីមិនកើតក៏បញ្ជាឱ្យកម្លាំងរបស់លោកជូនទៅសម្រាកព្យាបាលនៅគ្លីនិកឯកជនជាបណ្តោះអាសន្នសិន ។ បន្ទាប់មកទើបស្រាវជ្រាវរកក្រុមគ្រួសារ និងសាច់ញាតិឱ្យមកទទួលយកទៅផ្ទះវិញ ។ លោកហម ម៉ុត បានបញ្ជាក់ឱ្យដឹងទៀតថា នារីរងគ្រោះមិនអាចកំណត់អត្តសញ្ញាណពិតប្រាកដបាននៅឡើយទេ ដោយនៅក្នុងខ្លួនមិនមានអ្វីជាសម្គាល់បានឡើយ ហើយម្យ៉ាងទៀតនារីរងគ្រោះមិនអាចនិយាយកើត ។ តាមប្រភពពីគ្រូពេទ្យនៅគ្លីនិកឯកជនបានឱ្យដឹងថា នារីរងគ្រោះមានអាការទី១ ដូចជាត្រូវថ្នាំរបស់គេហើយគេយកទៅធ្វើបាប ទើបអ្នកជំងឺមានអាការភ័យខ្លាចបែបនេះ និងទី២ គឺអាចប្រើថ្នាំញៀនលើសកំណត់បណ្តាលឱ្យរឹងថ្គាមនិយាយមិនកើតតែមិនមានអ្វីប៉ះពាល់ធ្ងន់ធ្ងរដល់អាយុជីវិតឡើយ ៕
ដោយ ៖ ប្រុសកោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]