តាំងពីឪពុកធ្លាក់ខ្លួនឈឺ មកទល់នឹងពេលនេះ ប៉េងប៉ោង ស្រែកយំ ស្ទើរតែរីងខ្លួន

ភ្នំពេញ៖ នៅពេលនេះ សម្រែកស្រែកយំពាសពេញផ្ទះ ដែលតារាកំប្លែងជើងចាស់លោកតា វីតាមីនសេ បានទទួលមរណភាព កាលពីវេលាម៉ោង១២:២០នាទី នៅគេហដ្ឋានរបស់លោកផ្ទាល់។

ស្របពេលជាមួយគ្នានេះដែរ ឃើញថាកូនស្រីរបស់តារាកំប្លែងរូបនេះ អ្នកនាងប៉េងប៉ោង តែងតែតាមមើលថែលោកឪពុក តាំងតែដឹងថាលោកបានធ្លាក់ខ្លួនឈឺសម្រាកព្យាបាល រហូតដល់ថ្ងៃចុងក្រោយដែលខ្លូន លែងបាននៅថែរក្សាឪពុកតទៅទៀត។

នៅក្នុងនោះដែរ ឃើញថាអ្នកនាងប៉េងប៉ោង បានប្រឹងប្រែងអស់បីសមត្ថភាព លក់ឡាន ខ្ចីធនាគារ ដើម្បីយកលុយព្យាបាលឪពុក ជាមួយនឹងទឹកភ្នែកហូរតាំងតែពីពេលនោះមក រហូតដល់ពេលឪពុកធ្លាក់ខ្លូនឈឺ  អ្នកនាងតែងតែយំ អាណិតដល់ឪពុកជានិច្ច។

យ៉ាងណាមិញ គ្រាន់តែទទួលដំណឹងគ្រូពេទ្យឲ្យបញ្ជូនឪពុករបស់ខ្លួនទៅផ្ទះភ្លាម នាងក៏ចាប់ផ្តើមយំយ៉ាងខ្លាំង រហូតមកទល់នឹងពេលនេះ ធ្វើឲ្យអ្នកគាំទ្រជាច្រើនពិតជាអាណិតដល់នាងយ៉ាងខ្លាំង។

ក្រោយពីបានឃើញយ៉ាងដូច្នោះ អ្នកគាំទ្រមានអ្វីក្រៅពីការចូលរួមរំលែកទុក្ខ និងលើកទឹកចិត្តដល់រូបនាង៕

សូមទស្សនារូបភាពខាងក្រោមនេះ 

• ប៉េងប៉ោង
• តារាខ្មែរ