មកមើលស្នាដៃសម្ដែងមុនៗ របស់នាយ វីតាមីនសេ ព្រោះចាប់ពេលនេះទៅ លែងឃើញលោកតា តាមទូរទស្សន៍ទៀតហើយ (មានវីដេអូ)

ភ្នំពេញ៖ ការបាត់បង់តារាកំប្លែងជើងចាស់ដ៏ឆ្នើម  នាយ វីតាមីនសេ បានធ្វើឲ្យ ក្រុមគ្រួសារ ទាំងមូល ជាពិសេស ទស្សនិកជន ពិតជាមានការ សោកស្ដាយ ជាខ្លាំង ព្រោះតែចាប់ពីពេលនេះទៅ លោកអ្នក នឹងលែងបានទស្សនាការលេងកំប្លែង យ៉ាងប៉ិនប្រសប់ របស់​លោកតា តាមកញ្ចក់ទូរទស្សន៍ទៀតហើយ។

យ៉ាងណាមិញមុនចាកចេញ ពីទស្សនិកជន អ្នកគាំទ្រ នាយ វីតាមីនសេ ក៏បានបន្សល់នូវស្នាដៃសម្ដែង ជាច្រើន រាប់មិនអស់ មិនថាការច្រៀងឆ្លើយឆ្លងនឹងកូនស្រី ឬការលេងកំប្លែងជាមួយ មិត្តរួមក្រុម នោះទេ។

ជាក់ស្ដែង ដើម្បីរម្លឹកដល់ការលះបង់ដ៏ធំធេងក្នុងវិស័យសិល្បៈកំប្លែង ក៏ដូចជាចូលរួម រំលែកទុក្ខយ៉ាងក្រៀមក្រំមួយនេះ ខ្មែរឡូតក៏បាននាំយកយកវីដេអូ ចាស់ៗ ដែលជាស្នាដៃសម្ដែង ចុងក្រោយរបស់ លោកតា មកចែកជូនប្រិយមិត្ត បានទស្សនា ។

គួរបញ្ជាក់ថា តារាកំប្លែង នាយ វីតាមីនសេ បានទទួលមរណភាព កាលពីម៉ោង១២ នឹង៣០នាទី ឆ្លងចូលថ្ងៃទី៣០ ខែមីនា ដែលសព កំពុងត្រូវបាន ក្រុមគ្រួសារ រៀបចំពិធីបុណ្យ តាមទំនៀមទម្លាប់ប្រពៃណី៕

ខាងក្រោមនេះជាវីដេអូ សម្ដែងរបស់នាយ វីតាមីនសេ កាលពីមិនទាន់ទទួលមរណភាព៖

• នាយ វីតាមីន​សេ
• វីដេអូ
• តារាខ្មែរ