អេស្ប៉ាញ៖ ទោះបីជា Lionel Messi រងរបួសមិនអាចជួយអាហ្សង់ទីន ក្នុងការប្រកួតមិត្ដភាពទាំង២ប្រកួតក៏ពិតមែន ប៉ុន្ដែគ្រូបង្វឹករបស់ Barcelona លោក Ernesto Valverde ហាក់បីដូចជាមិនបារម្ភ ចំពោះរបួសរបស់គេឡើយ។
គ្រូបង្វឹកវ័យ ៥៤ឆ្នាំ បានបញ្ជាក់ថា រូបលោកធ្លាប់ដាស់តឿន កីឡាករគ្រប់រូបក្នុងក្រុមអំពីបញ្ហាសាច់ដុំ។ ប៉ុន្ដែរូបលោកមិនបានបញ្ជាក់ទេថា តើកីឡាកររូបណាដែលរងរបួសអំពីបញ្ហាមួយនេះនោះទេ។
អតីតគ្រូបង្វឹកក្រុម Athletic Club បាននិយាយថា៖ «ការប្រកួតចុងក្រោយក្នុងលីក Messi បានប្រកួតទល់នឹង Athletic Club។ វាជាការពិតដែលរូបគេមានបញ្ហាបន្ដិចបន្ដួច» ។
លោកបានបន្ថែមទៀតថា៖
«ខ្ញុំមិនមានការភ័យព្រួយអ្វីនោះទេ ព្រោះខ្ញុំដឹងថារបួសរបស់គេ នឹងមិនមានបញ្ហាអ្វីខ្លាំងឡើយ។ ពួកយើងនឹងមិនដេកភ័យមុនទេ គឺត្រូវចាំមើលថាតើរូបគេ (Messi) របួសអ្វីឲ្យប្រាកដ» ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
