ហួសហេតុពេកទេដឹង! គ្រាន់តែស្ពាយកាបូបទាន់សម័យពេកទៅសាលា ត្រូវគ្រូទះ៥កំផ្លៀង (មានវីដេអូ)

ចិន៖ គ្រូស្រីថ្នាក់មធ្យមសិក្សាម្នាក់ ត្រូវបានគេផ្ទេរចេញពីសាលា បន្ទាប់ពីវីដេអូដែលនាងទះកំផ្លៀងសិស្សស្រីនៅក្នុងថ្នាក់រៀន ត្រូវបានគេចែករំលែកពាសពេញក្នុងបណ្តាញសង្គមប្រទេសចិន។

វីដេអូដែលត្រូវបានថតដោយសិស្សផ្សេងទៀតនៅក្នុងថ្នាក់ គេឃើញគ្រូស្រីម្នាក់និយាយចម្អក និងជេរប្រមាថសិស្សស្រីម្នាក់ ហើយថែមទាំងទះសិស្សស្រីនេះ ៥កំផ្លៀងក្នុងរយៈពេលតែ២៥វិនាទី ឮសូរលាន់ពេញថ្នាក់រៀនតែម្តង។

យោងទៅតាមសារព័ត៌មាន Beijing News បានឲ្យដឹងថា បន្ទាប់ពីបែកធ្លាយវីដេអូនេះមិនបានប៉ុន្មានផង នាយកសាលាដែលស្ថិតនៅក្នុងតំបន់ Dingbian នាខេត្ត Shaanxi បានចេញមុខមកបញ្ជាក់ថា មូលហេតុដែលអ្នកគ្រូស្រីហ៊ានធ្វើបែបនេះ ក៏ដោយតែកូនសិស្សគេចសាលា ហើយថែមទាំងស្ពាយកាបូបដ៏កាលីបទាន់សម័យយ៉ាងឆើតឆាយមកសាលារៀនទៀតផង។

នាយកសាលាដដែលបានបន្ថែមទៀតថា អ្នកគ្រូនេះដាក់ពិន័យលើសិស្សហួសហេតុពេក ដូច្នេះនាងត្រូវបានគេផ្ទេរចេញពីសាលា ហើយក៏ត្រូវបានគេកត់ត្រាកំហុសឆ្គង ចូលទៅក្នុងកំណត់ត្រារបស់នាងផងដែរ។

នៅក្នុងបណ្តាញសង្គម Weibo ម្ចាស់គណនីជាច្រើនបានឆ្ងល់ថា មានអ្វីខុស ដោយគ្រាន់តែស្ពាយកាបូបកាលីបទាន់សម័យដែលឆើតឆាយទៅសាលានោះ៕

ប្រិយមិត្តគិតយ៉ាងណាដែរចំពោះហេតុការណ៍នេះ? សូមទស្សនាវីដេអូខាងក្រោម៖

• គ្រូ
• វីដេអូ
• សាលា