ខេត្តកំពង់ស្ពឺ ៖ បុរសម្នាក់ក្នុងចំណោមបងប្អូនពីរនាក់ត្រូវបានប៉ូលិសចាប់ខ្លួន កាលពីព្រឹកថ្ងៃទី១០ មីនា ២០១២ ខណៈដែលម្ចាស់ផ្ទះជាថៅកែកាប់គោនៅផ្សារត្រពាំងក្រឡឹង ក្នុងស្រុកភ្នំស្រួច ចោទថា បានលួចប្រាក់ដុល្លារចំនួន៤ម៉ឺនដុល្លារ និងប្រាក់រៀលជាង៤០លានរៀល ។ មន្ត្រីប៉ូលិសស្រុកភ្នំស្រួច បានរៀបរាប់ឱ្យដឹងថា ជនសង្ស័យឈ្មោះស៊ឹម រ៉ាឈីត ភេទប្រុស អាយុ១៩ឆ្នាំមានស្រុកកំណើតនៅភូមិក្រសះថ្មី ឃុំឈូកស ស្រុកកំពង់ត្រឡាច ខេត្តកំពង់ឆ្នាំង ជាកម្មករស៊ីឈ្មួលកាប់គោឱ្យថៅកែគោម្នាក់នៅផ្សារត្រពាំង ក្រឡឹងឈ្មោះកើ មីន ជាមួយនឹងបងប្រុសរបស់ខ្លួនឈ្មោះស៊ឹម សុវណ្ណា ភេទប្រុស អាយុ២៣ឆ្នាំ ដែលរត់គេចខ្លួនបាត់នោះ ។
អ្នកទាំងពីរស្នាក់នៅជាមួយថៅកែ ខាងលើ។ មន្ត្រីប៉ូលិសបន្តទៀតថា នៅថ្ងៃកើតហេតុជនសង្ស័យទាំងពីរនាក់នេះបានលួចលុយថៅកែរបស់ ខ្លួន ខណៈដែលថៅកែចេញពីបន្ទប់មួយភ្លែត ហើយភ្លាមៗនោះថៅកែក៏បានធ្វើការឃាត់ខ្លួនបុរសជាប្អូនឈ្មោះ ស៊ឹម រ៉ាឈីត ចំណែកបុរសជាបងបានលុយហើយរត់គេចបាត់ស្រមោល ។ នៅចំពោះមុខសមត្ថកិច្ចជនសង្ស័យបានឆ្លើយសារភាពថា ខ្លួនពិតជាបានលួចលុយថៅកែពិតប្រាកដមែន ៕
ដោយ ៖ ធីតាកោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
