អង់គ្លេស៖ ក្រុមជម្រើសជាតិ អាហ្សង់ទីន និង អ៊ីតាលី បានធ្វើដំណើរទៅកាន់ទីក្រុង Manchester នៃប្រទេសអង់គ្លេស ដើម្បីជួបប្រកួតកម្តៅសាច់ដុំ ដោយបញ្ចប់ការប្រកួតទៅក្នុងលទ្ធផល អាហ្សង់ទីន ២ ទល់អ៊ីតាលី០។
ក្រុមជើងខ្លាំងទាំងពីរ បានចាប់ផ្តើមការប្រកួត ដោយវាយបកគ្នាទៅវិញទៅមក ធ្វើឲ្យអ្នកទស្សនារបស់ក្រុមទាំងសងខាង ស្ទើរតែភើតពោះ ដោយសារក្រុមទាំងពីរមានឱកាសល្អរៀងៗខ្លួន តែក្រុមទាំងពីរមិនមានសំណាង អាចទម្លុះសំណាញ់បាននោះទេ ដោយតង់ទីមួយបញ្ចប់ទៅក្នុងលទ្ធផល ០-០។
លុះនៅតង់ទីពីរនាទីទី៧៥ កីឡាករ Ever Banega បានស៊ុតរកគ្រាប់ឲ្យ អាហ្សង់ទីនបានមុន។ ក្រោយមក ជិតចប់ការប្រកួតទៅហើយ ពោលគឺ នៅនាទី ៨៥ កីឡាករ Manuel Lanzini បានស៊ុតយ៉ាងស្អាត រកគ្រាប់បាល់ជួយ អាហ្សង់ទីន ឲ្យឈ្នះអ៊ីតាលីក្នុងលទ្ធផល ២-០។
គួរបញ្ជាក់ផងដែរថា កីឡាករ Sergio Aguero និង កីឡាករ Lionel Messi មិនបានចូលលេងក្នុងការប្រកួតនេះទេ។ ដោយហេតុថា កីឡាករទាំងពីរមានរបួសពេលហ្វឹកហាត់។ ខណៈ Aguero នឹងបន្តអវត្តមានឲ្យក្រុមជម្រើសជាតិ អាហ្សង់ទីន កីឡាករ Messi នឹងធ្វើដំណើរទៅកាន់ទីក្រុង Madrid ដើម្បីចូលរួមប្រកួតមិត្តភាពរវាងប្រទេស អាហ្សង់ទីន និង ប្រទេសអេស្ប៉ាញ៕
ខាងក្រោមនេះ ជាវីដេអូ Highlight ការប្រកួតកាលពីយប់មិញ៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]