ភ្នំពេញ៖ មួយរយៈពេលនេះ ឃើញថាបទចម្រៀងដែលចេញត្រៀមសម្រាប់ចូលឆ្នាំខ្មែរខាងមុខនេះ ឃើញថាគ្រប់បណ្តាផលិតកម្មសុទ្ធតែចេញចំណងជើងប្លែកៗ ទាក់ទាញ ដែលជាចំណងជើងសត្វ ស្ទើរគ្រប់បទ។
ជាពិសេសនោះគឺ ផលិតកម្មហង្សមាស និងថោនតែម្តង ដែលបទនីមួយៗកំពុងតែមានការចាប់អារម្មណ៍ខ្លាំងល្បីដល់ថ្នាក់មានអ្នកCover មិនថានៅក្នុង និងក្រៅប្រទេសនោះទេ។
ជាក់ស្តែង នៅក្នុងបណ្តាញសង្គមរបស់តារាចម្រៀង នៅក្នុងផលិតកម្មសាន់ដេវិញម្តង គឺលោក ឆាយ វីរៈយុទ្ធ បានបង្ហោះរូបភាព ជាមួយនឹងសកម្មភាពថតMV ត្រៀមចេញឆាប់ៗនេះ នៅក្នុងនោះក៏មានអមជាមួយនឹងសត្វឆ្កែ អ្នកគាំទ្រធានាថា ចំណងជើងចេញមកដឹងតែសត្វទៀត ដូចផលិតកម្មផ្សេងៗជាក់ជាមិនខាន។
នៅក្នុងនោះដែរ តារារូបនេះក៏បានឲ្យអ្នកគាំទ្រសាកទាយចំណងជើង ដោយលោកបានសរសេរយ៉ាងដូច្នោះថា៖ «តោះយើង! ទាយចំណងជើងបទចម្រៀងទាំងអស់គ្នាទៀតហើយ! តើបទនេះជាបទអ្វី?»៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
