ភ្នំពេញ៖ តារាល្បីវ័យក្មេងគ្រាប់ពេជ្រថ្មីរបស់ផលិតកម្ម រស្មីហង្សមាស កញ្ញា រ៉េត ស៊ូហ្សាណា មានវ័យត្រឹមតែ ១៨ឆ្នាំសោះ ប៉ុន្តែបើនិយាយពីសមត្ថភាពទេពកោសល្យក្នុងសិល្បៈវិញ អាចនិយាយបានថា មានអំណោយផលពីធម្មជាតិតែម្តង ។
ជាក់ស្តែង ដូចជាថ្មីៗនេះ តារាស្រី រ៉េត ស៊ូហ្សាណា បានគ្រងតំណែងតួឯកស្រីជាលើកដំបូង នៅក្នុងខ្សែភាពយន្តថ្មីរបស់ ទូរទស្សន៍រស្មីហង្សមាស «បិសាចគួរឲ្យស្រលាញ់» ។ ដោយក្នុងនោះគេសង្កេតឃើញថា គ្រាន់តែខ្សែភាពយន្តនេះ ចាក់ផ្សាយជាលើកដំបូង ពោលគឺនៅភាគទី១សោះ ក៏ទទួលបានការចាប់អារម្មណ៍យ៉ាងច្រើន ពីសំណាក់មហាជនទៅហើយ។
ហើយអ្វីដែលពិសេសនោះ គឺមហាជនបានលាន់មាត់សរសើរមិនដាច់ពីមាត់ ចំពោះភាពដ៏ប៉ិនប្រសប់ក្នុងការសម្តែង របស់តារាស្រីវ័យក្មេងវ័យ រ៉េត ស៊ូហ្សាណា រូបនេះ។ តួយ៉ាង អាចនិយាយបានថា បើទោះបីជា នេះជាខ្សែភាពយន្តដំបូងដែលហ្សាណា សម្តែងយ៉ាងណាក្តី ប៉ុន្តែស្ទើរតែគ្រប់ឈុតឆាក រាល់ការសម្តែងរបស់នាង ពិតជាធ្វើបានល្អខ្លាំងមែនទែន ដែលធ្វើឲ្យទស្សនិកជន តាមដានយ៉ាងជក់ចិត្តដិតអារម្មណ៍ ព្រមទាំងអស់សំណើចជាមួយនឹង ភាពក្រមិចក្រមើមគួរឲ្យស្រលាញ់របស់នាង។
ជាការពិតណាស់ បើប្រិយមិត្តចង់ដឹងថាខ្សែភាពយន្តថ្មីរឿង «បិសាចគួរឲ្យស្រលាញ់» ដែលទស្សនិកជនគ្រប់គ្នាល្បីថាល្អមើលតាំងពីភាគដំបូងមកនោះ កុំភ្លេច រង់ចាំតាមដានទស្សនា រៀងរាល់ថ្ងៃច័ន្ទ-អង្គារ-ពុធ វេលាម៉ោង៨យប់ នៅលើកញ្ចក់ទូរទស្សន៍ហង្សមាស HDTV តែមួយគត់៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
