ភ្នំពេញ៖ គ្រូបង្គោលរបស់ក្រុមជម្រើសជាតិកម្ពុជា លោក ប្រាក់ សុវណ្ណារ៉ា បាននិយាយថា បើចង់ឲ្យបាល់ទាត់របស់កម្ពុជា រីកចម្រើនដូចបណ្ដាប្រទេសដទៃនោះ គឺអាស្រ័យទៅលើអ្នកគាំទ្រប៉ុណ្ណោះ។
ក្នុងអំឡុងពេលប្រមូលផ្ដុំហ្វឹកហាត់ កាលពីប៉ុន្មានថៃ្ងមុននេះ សម្រាប់ត្រៀមប្រកួតទល់នឹងក្រុមជម្រើសជាតិឡាវ និងបន្ដប៉ះក្រុមអាហ្គានីស្ថាន លោក ប្រាក់ សុវណ្ណារ៉ា បានផ្ដល់កិច្ចសម្ភាសន៍មួយ ដល់គណៈកម្មការប្រកួតបាល់ទាត់ជាតិកម្ពុជា ថា កត្តាដែលធើ្វឲ្យបាល់ទាត់ ក្នុងប្រទេសមួយមានការរីកចម្រើន លុះត្រាតែអ្នកគាំទ្រ មានការចូលរួមទស្សនា ការប្រកួតឲ្យបានច្រើនដូចគ្នា ដែលនេះជាផ្នែកមួយដ៏សំខាន់បំផុតក្នុងការធើ្វឲ្យកីឡាករ ដ៏ដូចជាក្លិប មានទឹកចិត្ដ និងធើ្វឲ្យការប្រកួតមានភាពស្វិតស្វាញ។
«កត្ដាដែលធើ្វឲ្យលីក និងក្រុមជម្រើសជាតិខ្លាំង គឺអាស្រ័យទៅលើអ្នកគាំទ្រ។ បើសិនជាអ្នកគាំទ្រមានការស្រលាញ់ ដាក់ចិត្ដ ដាក់កាយ មកចូលរួមច្រើន នោះធើ្វឲ្យក្រុមទាំងអស់មានដំណើរការបានល្អ និងធើ្វឲ្យអ្នកឧបត្ថម្ភចាប់អារម្មណ៍កាន់តែខ្លាំង។ ណាមួយបើសិនលីករបស់យើងមិនខ្លាំងទេ នោះជម្រើសជាតិក៏មិនខ្លាំងដែរ» លោក ប្រាក់ សុវណ្ណារ៉ា បានលើកឡើង ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]