កូរ៉េខាងត្បូងនឹងដាក់ឲ្យប្រើ អ៊ីនធឺណេតមានល្បឿន ដែលលឿនជាងបច្ចុប្បន្ន ១០ដង!

កូរ៉េខាងត្បូង៖ ក្រសួងបច្ចេកវិទ្យាទូរគមនាគមន៍របស់ប្រទេសកូរ៉េខាងត្បូង កំពុងជំរុញឲ្យមានការធ្វើពាណិជ្ជកម្មអុីនធឺណេតល្បឿន ដប់ជីហ្គាបីត (10GB/s) ដែលមានន័យថាគេនឹងអាចទាញយកភាពយន្តទំហំធំៗ ក្នុងរយៈពេលត្រឹម ២ទៅ៣វិនាទីប៉ុណ្ណោះ។

ក្រសួងនេះបានឲ្យដឹងថា គេនឹងបន្តធ្វើការយ៉ាងជិតស្និតជាមួយក្រុមហ៊ុនបច្ចេកវិទ្យា នៅក្នុងស្រុកដើម្បីប្រើសេវាកម្មអ៊ីនធឺណេតនេះឲ្យបាន។ គេគិតថាបចេ្ចកវិទ្យាអ៊ីនធឺណេតនេះគឺសំខាន់ណាស់សម្រាប់បច្ចេកវិទ្យាទំនើបផ្សេងៗទៀត ដែលមនុស្សយើងទើបតែបានបង្កើតដូចជា Virtual Reality និង Augmented Reality ជាដើម។

នៅក្នុងគម្រោងនេះ ក្រសួងទូរគមនាគមន៍កូរ៉េចង់ត្រៀមខ្លួនជាមុន ដើម្បីសម្របជាមួយនឹងទូរគមនាគមន៍នៃអនាគត។

មន្ត្រីមកពីក្រសួងបច្ចេកវិទ្យាទូរគមនាគមន៍ម្នាក់បាននិយាយថា «​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​ក្រសួងសង្ឃឹមថាប្រទេសកូរ៉េនឹងអាចនៅតែរក្សាការប្រកួតប្រជែងជាមួយពិភពលោកបានក្នុងវិស័យនេះតាមរយៈពាណិជ្ជកម្មអ៊ីនធឺណេតល្បឿន 10Gb/s ដោយធ្វើការយ៉ាងជិតស្និតជាមួយវិស័យឯកជន និងវិស័យសាធារណៈ»។

កូរ៉េជាប្រទេសមានសេដ្ឋកិច្ចខ្លាំងជាងគេ ទី៤ក្នុងទ្វីបអាស៊ី និងមានល្បឿនអុីនធឺណេតលឿនជាងគេក្នុងលោក ហើយគេមានបំណងចង់គ្របដណ្ដប់ ៥០ភាគរយនៃប្រទេសរបស់គេ ជាមួយនឹងបច្ចេកវិទ្យាអុីនធឺណេតថ្មីនេះឲ្យបានត្រឹមឆ្នាំ២០២២៕

• អនាគត