ភ្នំពេញ៖ តារាសម្តែងជើងចាស់លោក សុវណ្ណ មករា ក្រោយពីបែកបាក់ជាមួយនឹងភរិយាជា តារាសម្ដែង អ្នកនាង ឈិន ច័ន្ទសុធារី បានបន្សល់ទុកកូនភ្លោះប្រុសស្រី មួយគូជាចំណងដៃ។
រីឯកូនៗរបស់អ្នកទាំងពីរ ក៏កាន់តែធំៗ ខណៈពេលម្តាយ និងឪពុក មើលថែយ៉ាងល្អ ទោះបីជាកូនទាំងពីរពេលខ្លះនៅជាមួយឪពុក និងពេលខ្លះជាមួយនឹងម្តាយយ៉ាងណាក្តី មិនត្រឹមតែប៉ុណ្ណោះ ពួកគេពិតជាស្រលាញ់កូនស្មើៗគ្នា និងមិនដែលមានពាក្យត្អូញបន្តិចសោះឡើយ។
ជាក់ស្តែងនៅក្នុងបណ្តាញសង្គមរបស់លោក សុវណ្ណ មករា បានបង្ហោះសារមួយដែលបានអះអាងថា ទោះបីជាខ្លួនជាបុរសមេម៉ាយ និងក្រខ្សត់យ៉ាងណា លោកនៅតែព្យាយាមមើលថែកូនទាំងពីរឲ្យបានល្អ។
នៅក្នុងនោះដែរ លោកបាននិយាយយ៉ាងដូច្នោះថា៖«ពេលនេះខ្ញុំទទួលបាននូវភាពឥស្សរភាពរបស់ខ្លួនឯងបានមកវិញហើយ ភាពជាពោះម៉ាយកូនពីរមានអីមិនល្អទោះខ្ញុំពេលនេះក្រខ្សត់យ៉ាងណាក៏ដោយតែខ្ញុំនៅតែមានលទ្ធភាពមើលថែកូនៗទាំងទ្វេរ របស់ខ្ញុំហើយខ្ញុំនឹងព្យាយាមមើលថែពួកគាត់ឲ្យបានល្អ ដរាបណាខ្ញុំនៅមានដង្ហើម ខ្ញុំបាទសូមអគុណ ដល់បណ្ដាមិត្តនឹងបងៗដែលយើងធ្លាប់បានរកស៊ីជាមួយគ្នាកន្លងមកដែលបានយល់ដល់ខ្ញុំ ហើយនៅតែមានការជឿជាក់លើខ្ញុំកន្លងមក តែសូមឲ្យបងៗមេត្តាបន្តនូវការជឿជាក់លើប្អូនម្ដងទៀត។ព្រះអាទិត្យរះថ្មី នៅលើទឹកដីចាស់»៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]