ភ្នំពេញ៖ កំពូលតារាចម្រៀងកញ្ញា ឱក សុគន្ធកញ្ញា ត្រូវប្រិយមិត្តបានដឹងថាជាតារាមួយដួងដែលមានអ្នកគាំទ្រជាច្រើនស្រលាញ់ និងចូលចិត្តដល់រូបនាង មិនត្រឹមតែប៉ុណ្ណោះ សម្លេងរបស់អ្នកគាំទ្របានធ្វើឲ្យនាងក្លាយជាតារាដ៏ល្បីមួយរូបនៅក្នុងប្រទេស។
ស្របពេលជាមួយគ្នានេះដែរ តម្លៃខ្លួនរបស់តារារូបនេះនៅពេលឡើងកម្មវិធីម្តងៗក៏ស៊ីថ្លៃបានច្រើនមិនណយទេ យ៉ាងណាមិញ ទោះបីជាមានលុយច្រើនយ៉ាងណាក្តី នាងហាក់ដូចជាមិនសូវបង្អួតបង្ហោះរបស់មានតម្លៃ ដូចជាគ្រឿងអលង្ការ លុយ ឡាន ដូចតារាដទៃនោះទេគឺនាងតែងតែធ្វើខ្លួនបែបសាមញ្ញ។
ជាក់ស្តែង កាលពីថ្មីៗនេះ នៅក្នុងគណនីអ៊ីនស្តារក្រាមរបស់ហ្វេនរបស់នាងបានបង្ហោះរូបភាពជាមួយនឹងសារមួយ ដែលកញ្ញា សុគន្ធកញ្ញា បានធ្វើ ក្នុងនោះគេបាននិយាយយ៉ាងដូច្នោះថា៖ «បងស្រី ឱក សុគន្ធកញ្ញា បានឧប្ថម្ភថវិកាចំនួន ៥០០ដុល្លារ ដល់លោកគ្រូល្ខោនខោល ទិត សែម នេះគឺជាទឹកចិត្តរបស់គាត់»។
តែបើក្រឡេកមើល នៅក្នុងគណនីរបស់តារារូបនេះវិញ គឺគ្មានការបង្ហោះ ឫបង្ហើបឲ្យអ្នកគាំទ្រដឹងបន្តិចសោះឡើយ ដែលមើលទៅនាងពិតជាប្លែកពីតារាដទៃមែនទែន ដូច្នោះហើយទើបមានអ្នកគាំទ្រជាច្រើនស្រលាញ់ និងចូលចិត្តនាងយ៉ាងដូច្នោះ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]