បរទេស៖ បច្ចេកវិទ្យា VAR ឫ Video Assistant Referees នឹងត្រូវដាក់ឲ្យដំណើរការ ក្នុងព្រឹត្ដិការណ៍នៃការប្រកួតបាល់ទាត់ពិភពលោក World Cup នាពាក់កណ្ដាលឆ្នាំនេះ ក្នុងប្រទេសរុស្សី។
បច្ចេកវិទ្យាមួយនេះ ត្រូវបានដាក់ឲ្យប្រើប្រាស់ ក្នុងបាល់ទាត់អង់គ្លេស រួចមកហើយ ក្នុងរដូវកាលនេះ ហើយក៏ត្រូវបានប្រើប្រាស់ក្នុងប្រទេសអាល្លឺម៉ង់ និងអ៊ីតាលី ផងដែរ។
ប្រធានសហព័ន្ធបាល់ទាត់ពិភពលោក FIFA លោក Gianni Infantino បាននិយាយថា៖
«ពួកយើងត្រូវប្រើប្រាស់វា (VAR) ឲ្យសមស្របជាមួយពេលវេលា។ ពួកយើងចង់ឲ្យអាជ្ញាកណ្ដាលមានការសម្រេចចិត្ដឲ្យបានច្បាស់លាស់។ ដូច្នេះការប្រកួត នឹងប្រព្រឹត្ដិទៅកាន់តែប្រសើរ។ ដូចក្នុងការប្រកួត World Cup ការសម្រេចចិត្ដសំខាន់ៗមួយចំនួន ត្រូវបានធើ្វឡើងស្របជាមួយភាពត្រឹមត្រូវ» ។
គួរឲ្យដឹងថា បច្ចេកវិទ្យា VAR គឺជាបច្ចេកវិទ្យាមួយ ដែលអាចឲ្យអាជ្ញាកណ្ដាលកាត់សេចក្ដីបានកាន់តែច្បាស់ ដោយបច្ចេកវិទ្យាទំនើបមួយនេះ ដំណើរការដោយមានការចាប់ប្លង់វីដេអូយ៉ាងលម្អិត ទៅលើការបង្កកំហុសរបស់កីឡាករ, បាល់ចូលទីត្រឹមត្រូវដែរ ឫយ៉ាងណា និងចំណុចផ្សេងៗទៀត ក្នុងករណីដែលអាជ្ញាកណ្ដាលនៅលើទីលាន មានភាពមិនច្បាស់លាស់ ក្នុងការកាត់សេចក្ដី ឫកាត់សេចក្ដីមិនត្រឹមត្រូវ ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
