កូនភ្លោះធំៗអស់ទៅហើយ តែឈិត សុជាតា នៅតែមិនទាន់បង្ហាញមុខស្វាមីចំៗ!

ភ្នំពេញ៖ ពិធីការិនី ឈិត សុជាតា បើទោះបីជាបច្ចុប្បន្ននេះ នាងក្លាយទៅជាអ្នកម្តាយគេ ជាមួយនឹងកូនភ្លោះប្រុសស្រីដ៏ឲ្យគួរឲ្យស្រលាញ់មួយគូទៅហើយក្តី ប៉ុន្តែតារាស្រីរូបនេះ នៅតែមិនទាន់ហ៊ានបង្ហាញមុខស្វាមីចំៗជាសាធារណៈនៅឡើយ។

ជាការពិតណាស់ កន្លងមកគេតែងសង្កេតឃើញថា តារាស្រី ឈិត សុជាតា មិនសូវជាបង្ហោះរូបថតជាមួយនឹងស្វាមីរបស់នាងប៉ុន្មាននោះទេ ប៉ុន្តែបើបង្ហោះគឺនាងតែងតែ បិទបាំងមុខស្វាមីរបស់នាងជានិច្ច បើមិនដូច្នោះក៏ថតរូបបុរសនោះ ត្រឹមតែពីក្រោយខ្នង ឬក៏ត្រឹមចំហៀងមុខដែរ។

ជាក់ស្តែង ដូចកាលពីថ្មីៗនេះ អ្នកនាង ឈិត សុជាតា ក៏បានបង្ហោះរូបថតផ្អែមល្ហែម  ជាមួយស្វាមីរបស់នាងផងដែរ ប៉ុន្តែមិនថាយ៉ាងណា មហាជននៅតែមិនអាចឃើញមុខស្វាមីរបស់នាងច្បាស់ដដែល។

ដោយឡែក បើទោះបីជាមិនអាចបង្ហាញមុខស្វាមីយ៉ាងពេញលេញ ជាសាធារណៈយ៉ាងណាក្តី ប៉ុន្តែក្រុមគ្រួសារបស់តារាស្រី ឈិត សុជាតា នៅតែមានសុភមង្គល ពោរពេញទៅដោយ ស្នាមញញឹមនិងភាពរីករាយផងដែរ។ 

• ឈិត សុជាតា
• គ្រួសារ
• តារាខ្មែរ