សៀមរាប៖ បារខែមអង្គរ ជាព្រឹត្តិការណ៍បច្ចេកវិទ្យា និងអាជីវកម្ម ប្រចាំឆ្នាំដែលនឹងប្រារព្ធឡើង នៅថ្ងៃទី ២៣ និង ២៤ ខែមីនា ឆ្នាំ២០១៨ នៅក្នុងបរិវេណសាកល វិទ្យាល័យសៅស៍អ៊ីសថ៍អេយសៀ ចាប់ពីម៉ោង៨ព្រឹក ដល់ម៉ោង៥ល្ងាច ។
បារខែមអង្គរ ២០១៨ មានគោលបំណងផ្ដល់ការចែករំលែកចំណេះដឹង និងកសាងទំនាក់ទំនង រវាងអ្នកចូលរួមទាំងអស់ក្នុងប្រទេសកម្ពុជា ក៏ដូចជាក្នុងតំបន់ អំពីបច្ចេកវិទ្យាព័ត៌មានការចាប់ផ្ដើមជំនួញ សហគ្រិនភាព អាជីពការងារ រចនាច្នៃប្រឌិត និងទេសចរណ៍ បដិសណ្ឋារកិច្ច សម្រាប់ការសិក្សា ការងារ និងទំនាក់ទំនង ព្រមទាំងចំណេះដឹងផ្សេងៗ ដូចជា ជ្រើសគំនិតអាជីវកម្ម ការស្វែងយល់ពីការបង្កើតគំរូអាជីវកម្ម ស្វែងយល់អំពីអតិថិជន ការផលិតផលិតផលនិងសេវាកម្ម ផ្សព្វផ្សាយនិម្មិតសញ្ញាអាជីវកម្ម ទីផ្សារ និងការរៀបចំគម្រោងចំណាយចាប់ផ្ដើមអាជីវកម្មជាដើម។ ក្រៅពីនេះ នៅមានការតាំងពិព័រណ៍របស់ម្ចាស់អាជីវកម្មខ្នាតតូច និងផលិតផល ឬសេវាកម្មបច្ចេកវិទ្យាថ្មីៗ ដែលមានការចូលរួមប្រមាណ ១៥ស្តង់។ អ្នកចូលរួមនឹងទទួលបានគំនិត និងការស្វែងយល់បន្ថែមនៅក្នុងការបើកមុខជំនួញ អាជីវកម្ម ការច្នៃប្រឌិត បច្ចេកវិទ្យា សម្រាប់ការងារប្រចាំថ្ងៃ ក៏ដូចជាការសិក្សានិងមុខជំនួញផងដែរ។
កម្មវិធីនេះបានប្រមូលផ្ដុំទៅដោយបុគ្គលដែលមានបទពិសោធន៍ក្នុងវិស័យបច្ចេកវិទ្យា និងអាជីវកម្ម អ្នកច្នៃប្រឌិត សាស្ត្រាចារ្យ សិស្សនិស្សិត នៅក្នុងខេត្តសៀមរាប មកធ្វើការផ្លាស់ប្ដូរចំណេះដឹង ជំនាញ និងបទពិសោធន៍ ។ កម្មវិធីនេះដំណើរការទៅបានដោយមានការចូលរួមគាំទ្រពីក្រសួងអប់រំយុវជននិងកីឡា សាកលវិទ្យាល័យ USEA និងក្រុមហ៊ុនទាំងក្នុងស្រុកព្រមទាំងរៀបចំដោយអ្នកស្ម័គ្រចិត្តមិនស្វែងរកប្រាក់ចំណេញមួយក្រុមដែលមានទស្សនៈវិស័យរួមគ្នាក្នុងការធ្វើឲ្យកើតឡើង ដែលប្រធានបទនីមួយៗនឹងត្រូវធ្វើឡើងក្នុង៥បន្ទប់ផ្សេងគ្នា ដោយក្នុងប្រធានបទនីមួយៗមានរយៈពេល ១ម៉ោង។
អ្នកចូលរួមត្រូវពិនិត្យមើល និងស្វែងរកប្រធានបទដែលខ្លួនពេញចិត្តដើម្បីចូលរួមស្ដាប់តាមបន្ទប់ តាមម៉ោង និងប្រធានបទនីមួយៗ។ ដើម្បីស្វែងរកព័ត៌មានប្រធានបទ អ្នកចូលរួមអាចមើលនៅលើផ្ទាំង តារាងប្រធានបទ ដែលអ្នករៀបចំកម្មវិធីបានបិត ក្នុងបរិវេណកម្មវិធី ឬអាចចូលទៅវេបសាយ បារខែមកម្ពុជា ដើម្បីមើលប្រធានបទទាំងអស់ www.barcampcambodia.org។
តើអ្នកនឹងទទួលបានអ្វី?
១. ទទួលបានចំណេះដឹង គំនិតថ្មីៗ និងបានជួបជាមួយអ្នកនិយមបច្ចេកវិទ្យា អ្នកទីផ្សារ អ្នកធ្វើអាជីវកម្ម អ្នកប្រើប្រាស់អ៊ីនធឺណិតធ្វើអាជីវកម្ម
២. អាវយឺត (មានកំណត់) និងវត្ថុអនុស្សាវរីយជាច្រើនពីអ្នកឧបត្ថម្ភកម្មវិធីផ្សេងៗទៀត
៣. ភ្ជាប់ទំនាក់ទំនងជាមួយវាគ្មិន និងអ្នកចូលរួមដទៃ សម្រាប់អាជីវកម្ម និងបណ្ដាញរបស់អ្នកទៅថ្ងៃមុខ
៤. អ្នកអាចសិក្សារៀនសូត្រ យកបទពិសោធន៍ជីវិតពីវាគ្មិននីមួយៗដែលអញ្ជើញមកក្នុងរាជធានីភ្នំពេញ
៥. អ្នកមានឱកាសជួបជាមួយក្រុមអ្នកមានបទពិសោធន៍ធ្វើជំនួញ និងអ្នកបច្ចេកវិទ្យាបានរៀនសូត្រពីអ្នកស្ម័គ្រចិត្ត និងអ្នករៀបចំព្រឹត្តិការណ៍បារខែម ក្នុងការរៀបចំព្រឹត្តិការណ៍បច្ចេកវិទ្យាថ្មី។
សូមចូលរួមដោយសេរី និងចុះឈ្មោះ នៅទីនេះ:
https://www.eventbrite.com/e/43588574600៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
