រាជធានីភ្នំពេញ ៖ កាលពីវេលាម៉ោង១១និង៣០នាទីយប់ ថ្ងៃទី១៣ ខែមីនា ឆ្នាំ២០១៨ ស្ថិតតាមបណ្ដោយផ្លូវម៉ៅសេទុង សង្កាត់ទន្លេបាសាក់ ខណ្ឌចំការមន មានករណីគ្រោះថ្នាក់ចរាចរមួយ បណ្ដាលឲ្យរថយន្តស៊េរីទំនើប១គ្រឿងម៉ាក KIA ពាក់ផ្លាកលេខ ភ្នំពេញ ២AS-១១១៥ ក្រឡាប់ និងរថយន្ត១គ្រឿងទៀតម៉ាកកាមរីបាឡែន ពាក់ផ្លាកលេខ ភ្នំពេញ ២AT-៥១៧៩ រងការខូចខាតផ្នែកខាងមុខ ដោយសារការខ្ទាតក្បាលនាគត្រូវ ។
តាមសម្តីម្ចាស់រថយន្តកាមរីបាឡែន បានឲ្យដឹងថា គាត់ធ្វើដំណើរពីកើតទៅលិច ដោយជិះគ្នា៤នាក់ តាមបណ្ដោយផ្លូវម៉ៅសេទុង ។ លុះមកដល់ចំណុចកើតហេតុ ក៏មានរថយន្តសេរីទំនើបម៉ាក KIA ១គ្រឿង ដែលបើកបរដោយនារីវ័យក្មេងម្នាក់ ធ្វើដំណើរបញ្ច្រាសទិសគ្នាបានបុកនឹងក្បាលនាគចែកទ្រូងផ្លូវ ធ្វើឲ្យខ្ទាតក្បាលនាគមកត្រូវរថយន្តរបស់គាត់ បណ្ដាលឲ្យរងការខូចខាតផ្នែកខាងមុខ ចំណែករថយន្តម៉ាក KIA បានក្រឡាប់តែម្តង ។
សមត្ថកិច្ចចរាចរណ៍ខណ្ឌចំការមន បានឲ្យដឹងថា នារីវ័យក្មេងដែលបើករថយន្តម៉ាក KIA មានឈ្មោះ ដេង ដានី អាយុ២៤ឆ្នាំ ជាអ្នករកស៊ី គឺស្ថិតក្នុងស្ថានភាពស្រវឹង ។ សមត្ថកិច្ចបញ្ជាក់ថា ក្នុងហេតុការណ៍គ្រោះថ្នាក់ចរាចរនេះដែរ គឺមិនបណ្ដាលភាគីណាម្នាក់រងគ្រោះថ្នាក់នោះទេ គ្រាន់តែរងការខូចខាតរថយន្តទាំង២ប៉ុណ្ណោះ ។ ក្រោយកើតហេតុ សមត្ថកិច្ចបាននាំខ្លួននារីអ្នកបើកបររថយន្តទៅកាន់ប៉ុស្តិ៍រដ្ឋបាលទន្លេបាសាក់ ដើម្បីធ្វើការសាកសួរ និងធ្វើការវាស់វែងដើម្បីចាត់ការតាមនីតិវិធីច្បាប់ ៕
ប្រភព៖ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]