ដួង ម៉ានិច រវល់តែដើរមើលក្រោយ បុកក្បាលនឹងដើមឈើ ឈឺមិនស្ទើរ! (មានវីដេអូ)

ភ្នំពេញ៖ តារាសម្តែងដ៏ល្បីឈ្មោះ និងជាតួនៅក្នុងរឿង«ពស់កេងកង» កញ្ញាដួង ម៉ានិច ដែលប្រិយមិត្តជាច្រើនបានដឹងហើយថានាងមានទេពកោសល្យ និងសមត្ថភាពខ្លាំងនៅក្នុងការសម្តែង មិនថាជាតួបែបណានោះទេ។

បច្ចុប្បន្ន ឃើញថាតារាស្រីរូបនេះ កាន់តែមានភាពមមាញឹកខ្លាំងមិនធម្មតា ស្របពេលដែលពិធីបុណ្យចូលឆ្នាំប្រពៃណីខ្មែរជិតឈានចូលមកដល់ ដែលតារាគ្រប់រូបត្រៀមខ្លួនសម្តែង និងថតចម្រៀងថ្មីៗ។

ជាក់ស្តែង នៅក្នុងបណ្តាញសង្គមអ៊ីនស្តារក្រាម របស់តារារូបនេះ បានបង្ហោះវីដេអូដ៏អស់សំណើចមួយ ដែលនាងកំពុងធ្វើការថត ដើរភ្លេចមើលក៏បុកក្បាលនឹងដើមឈើដែលលាន់លឺមិនស្ទើរនោះទេ តែទោះជាវាឈឺក្តី តែនាងនៅតែសើចញញឹម បន្តការថតដដែល។ 

តាមរយៈវីដេអូមួយនេះធ្វើឲ្យអ្នកគាំទ្រ ក៏ដូចជាអ្នកទស្សនាវីដេអូនោះជាច្រើនអស់សំណើចយ៉ាងខ្លាំង នៅពេលដែលឃើញនាងទៅជាបែបនេះ នៅក្នុងនោះនាងក៏បាននិយាយថា «ឈឺតើ»៕

ចង់ជ្រាបច្បាស់សូមទស្សនាវីដេអូខាងក្រោមនេះ៖ 

• ដួង ម៉ានិច
• វីដេអូ
• តារាខ្មែរ