៨ មីនាឆ្នាំនេះ សួស វីហ្សា​ បានបាច់ផ្កាមួយបាច់ធំ និងចិញ្ចៀនមាស ពីម្ចាស់កាដូលាក់មុខ

ភ្នំពេញ៖ តារាចម្រៀងប្រចាំនៅក្នុងផលិតកម្មរស្មីហង្សមាសកញ្ញា សួស វីហ្សា បច្ចុប្បន្ននេះ កំពុងតែបានទទួលនូវប្រជាប្រិយភាពយ៉ាងខ្លាំង ពីសំណាក់អ្នកគាំទ្ររបស់ខ្លួន ជាមួយនឹងបទចម្រៀង ព្រមទាំងស្ទីលរាំប្លែកៗរបស់នាង។

ទន្ទឹមភាពល្បីល្បាញក្នុងវិស័យសិល្បៈចម្រៀងហើយ មួយរយៈពេលខ្លីចុងក្រោយតារាចម្រៀង កញ្ញា សួស វីហ្សា ក៏មានល្បីលេចឮរឿងស្នេហាផងដែរ ជាមួយនឹងកម្លោះសង្ហាមួយរូប ដែលជាអ្នកសិល្បៈដូចគ្នា។

ក៏ប៉ុន្តែសាមីខ្លួន បែរជាបានចេញមុខមកបដិសេធថា គ្រាន់តែជារឿងយល់ច្រឡំតែប៉ុណ្ណ៉ោះ ដោយអ្នកទាំងពីរ គ្មានទំនាក់ទំនងជាមួយគ្នា លើសពីពាក្យថាមិត្តភក្តិនោះទេ។

តែទោះបីជាយ៉ាងណាក៏ដោយ នៅថ្ងៃទី ៨ មីនា ដែលជាទិវាបុណ្យសិទ្ធិនារីម្សិលមិញនេះកញ្ញា សួស វីហ្សា បានទទួលនូវផ្កាកុលាបពណ៌ក្រហមមួយបាច់យ៉ាងធំ ព្រមជាមួយនឹងចិញ្ចៀនមាសមួយវង់យ៉ាងស្រស់ស្អាតផងដែរ ពីម្ចាស់កាដូលាក់មុខ និងមិនបានបញ្ចេញឈ្មោះឱ្យដឹងនោះទេ។

ជាក់ស្តែងធ្វើឱ្យអ្នកគាំទ្រតារាចម្រៀងស្រីរូបនេះ កាន់តែមានការចាប់អារម្មណ៍យ៉ាងខ្លាំងថែមទៀតទៅលើនាង និងចង់ដឹងថា តើម្ចាស់បាច់ផ្កា និងម្ចាស់ចិញ្ចៀនមាសមួយវង់នេះ ជានរណាទៅ? បានជាជូនកាដូធ្វើឱ្យកញ្ញារំភើបចិត្តមិនតិចនោះទេ៕ 

ទស្សនាកម្រងរូបភាពខាងក្រោមទាំងអស់គ្នា៖   

• សួស វីហ្សា
• តារាខ្មែរ