រាជធានីភ្នំពេញ ៖ បុរសដើររើសអេតចាយម្នាក់ដើរឆ្លងថ្នល់ត្រូវរថយន្ត១គ្រឿង បុកចំពីមុខពេញទំហឹង បណ្តាលឱ្យស្លាប់ភ្លាមៗនៅនឹងកន្លែង កាលពីវេលាម៉ោង៦និង១០នាទីព្រឹកថ្ងៃទី១២ មីនា ២០១២ តាមបណ្តោយផ្លូវ២៧១ ភូមិត្រពាំងឈូក សង្កាត់ទឹកថ្លា ខណ្ឌសែនសុខ ។
បើយោងតាមប្រភពព័ត៌មានពីកន្លែងកើតហេតុបាន ឱ្យដឹងថា នៅមុនពេលកើតហេតុមានបុរសម្នាក់កំពុងដើររើសអេតចាយតាមផ្លូវ ហើយបម្រុងដើរឆ្លងថ្នល់ទៅរើសអេតចាយនៅផ្លូវម្ខាងទៀត ស្រាប់តែត្រូវរថយន្តមួយគ្រឿងមិនស្គាល់ម៉ាក បើកពីជើងទៅត្បូងបុកចំពីមុខពេញទំហឹង បណ្តាលឱ្យដួលបោកក្បាលស្លាប់ភ្លាមៗ។ ឯរថយន្តបង្កបើករត់គេចខ្លួនដោយសុវត្ថិភាព និងមិនរំខានដល់សមត្ថកិច្ចខណ្ឌសែនសុខបន្តិចសោះ។
ប្រភពពីបងស្រីរបស់ជនរងគ្រោះឈ្មោះថៃ ណាវី អាយុ៥១ឆ្នាំ ស្នាក់នៅផ្ទះលេខ១៧៦ ផ្លូវ១៥៦ ក្រុម១១ ភូមិ៩ សង្កាត់ទឹកល្អក់ទី១ ខណ្ឌទួលគោក បានឱ្យដឹងថា ប្អូនប្រុសរបស់គាត់ដែលត្រូវរថយន្តបុកស្លាប់នេះឈ្មោះថៃ សម្បត្តិ អាយុ៤៧ឆ្នាំ ជាអ្នកដើររើសអេតចាយស្នាក់នៅផ្ទះជាមួយគាត់ ។ ប្រភពបានបន្តថា ប្អូនប្រុសរបស់គាត់នេះជាមនុស្សមិនសូវគ្រប់ទឹកទេ មួយថ្ងៃៗវាគិតតែដើររើសអេតចាយតាមផ្លូវ លុះពេលលក់បានលុយវាតែងតែយកទៅទិញស្រាផឹក ហើយពេលស្រវឹងតែងតែដើររករឿងគេឯង ៕
ដោយ ៖ ប្រុសកោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
