ភ្នំពេញ៖ ថ្មីៗនេះ ប្អូនប្រុសរបស់តារាចម្រៀងស្រី សុន ស្រីពេជ្រ បានធ្លាក់ខ្លួនមានជំងឺជាទម្ងន់ ដោយត្រៀមវះកាត់បញ្ចូលខួរឆ្អឹងក្នុងពេលខាងមុខនេះហើយ។
ក្នុងនោះដែរ ក្រុមគ្រួសាររបស់តារាចម្រៀង សុន ស្រីពេជ្រ ក៏បានប្រកាសលក់ផ្ទះជាបន្ទាន់ក្នុងតម្លៃ ២០ ម៉ឺនដុល្លារអាមេរិក ដើម្បីយកប្រាក់ទាំងនេះ ទៅព្យាបាលជំងឺប្អូនប្រុស និងតារាកំប្លែងលោកតា សង់ ស៊ីស ដែលជាឪពុកផងដែរ។
ជួបទុក្ខជាន់លើទុក្ខបែបនេះ ធ្វើឱ្យកញ្ញា សុន ស្រីពេជ្រ កើតក្តីព្រួយបារម្ភយ៉ាងខ្លាំង ដោយបានបង្ហើរអារម្មណ៍ពិតនៅលើហ្វេសប៊ុកខ្លួនកាលប៉ុន្មានម៉ោងមុននេះថា តូចចិត្តនឹងវាសនាខ្លួន ដែលជួបតែរឿងអកុសលតាំងពីក្មេងមកមិនចេះចប់។
កញ្ញា សុន ស្រីពេជ្រ បានផុសនៅលើហ្វេសប៊ុកខ្លួនទាំងស្រុងដូច្នេះថា៖
«មិនច្រណែននឹងក្តីសុខអ្នកដទៃទេ តែមកអង្គុយតូចចិត្តនឹងវាសនាខ្លួនឯងថា ហេតុអីជួបតែរឿងអកុសលតាំងពីក្មេងមកមិនចេះចប់ចឹង តែយ៉ាងណាខ្ញុំមិនបំផ្លាញក្តីសង្ឃឹមនិងការតាំងចិត្តរបស់ខ្ញុំនោះទេ»។
ទន្ទឹមនឹងនេះផងដែរ ក៏មានអ្នកលេងបណ្តាញសង្គមហ្វេសប៊ុកជាច្រើននាក់ ក៏បានចូលមកបញ្ចេញមតិយោបល់ជាបន្តបន្ទាប់ឱ្យកញ្ញា មានភាពតស៊ូនៅក្នុងឆាកជីវិតជានិច្ច កុំអស់សង្ឃឹម ហើយត្រូវប្រឈមមុខនឹងការពិត រកដំណោះស្រាយបញ្ហានានាកុំចុះចាញ់៕
ទស្សនារូបភាពខាងក្រោមនេះ ដោយមេត្រី៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]