ខ្លឹម ស្រីគា Miss Grand ឆ្នាំ ២០១៧ ទទួលបានឱកាសពិសេស ក្នុងឆ្នាំថ្មី!

ភ្នំពេញ៖ កញ្ញា ខ្លឹម ស្រីគា Miss Grand Cambodia ប្រចាំឆ្នាំ ២០១៧ បានទទួលនូវការគាំទ្រយ៉ាងខ្លាំងពីសំណាក់អ្នកគាំទ្រជាច្រើន ដោយសារតែរូបសម្រស់ដ៏ស្រស់ស្អាតរបស់នាងក្នុងវ័យ ១៨ ឆ្នាំ។

ហើយនៅពេលនេះកញ្ញារូបស្រស់ ខ្លឹម ស្រីគា ក៏ក្តោបបានតំណែងជាតួឯកស្រីថែមទៀតជាលើកដំបូង ដោយបានចាប់ដៃគូគ្នាសម្តែងជាមួយនឹងកម្លោះសង្ហាវ័យក្មេងគឺលោក ទ្រី តារាវុធ ដែលជាអតីត Freshie Boy ជាប់ចំណាត់ថ្នាក់លេខ១ ក្នុងជំនាន់ទី១៥ កាលពីឆ្នាំ២០១៦ កន្លងមកនេះផងដែរ។

នេះក៏ជាលើកទី១ហើយ ដែលតារាសម្តែងវ័យក្មេងលោក ទ្រី តារាវុធ និងកញ្ញា ខ្លឹម ស្រីគា បានចាប់ដៃជាមួយគ្នាសម្តែងក្នុងរឿងភាគទូរទស្សន៍។

ជាក់ស្តែងនៅលើហ្វេសប៊ុករបស់តារាសម្តែងលោក ទ្រី តារាវុធ ក៏បានឱ្យដឹងទាំងស្រុងយ៉ាងដូច្នេះថា ខ្សែភាពយន្តភាពដំបូងដែលលោកនឹងត្រូវសម្តែងរួមគ្នាជាលើកដំបូងជាមួយនឹងស្រីស្អាត Miss Grand Cambodia កញ្ញា ខ្លឹម ស្រីគា នេះគឺមានចំណងជើងថា «ភូមិគ្រឹះជំពាក់ស្នេហ៍» ដែលជាស្នាដៃដឹកនាំសម្តែងរឿង ដោយលោក ហ៊ុយ វាសនា របស់ទូរទស្សន៍បាយ័ន។

គួរឱ្យដឹងផងដែរលោក ទ្រី តារាវុធ ធ្លាប់បានតំណែងជាតួឯកប្រុសជាលើកដំបូងនេះនៅក្នុងរឿង «សសរកន្លោង» រួចមកហើយ ដោយមានការនិយមគាំទ្រពីសំណាក់ទស្សនិកជន ជាច្រើននាក់នៅទូទាំងប្រទេស។

ហើយពេលចាប់ផ្តើមសម្តែងរឿងថ្មីជាមួយកញ្ញា ខ្លឹម ស្រីគា បែបនេះ តើសាច់រឿងនឹងទៅជាយ៉ាងណានោះ? រង់ចាំតាមដានទស្សនាទាំងអស់គ្នា៕

ទស្សនារូបភាពខាងក្រោមនេះ ដោយមេត្រី៖ 

• ទ្រី តារាវុធ
• ខ្លឹម ស្រីគា
• ភាពយន្ត