ខេត្តក្រចេះ ៖ បុរសម្នាក់រងរបួសធ្ងន់ក្នុងគ្រោះថ្នាក់ចរាចរណ៍មួយ ខណៈកំពុងជិះម៉ូតូជ្រុលទៅបុករបង បណ្តាលឲ្យជង់ឈើដោតជាប់នឹងដើមទ្រូង។ ហេតុការណ៍នៃគ្រោះថ្នាក់ចរាចរណ៍បង្កឡើងដោយខ្លួនឯងនេះ កើតឡើងកាលពីវេលាម៉ោង១១និង៣០នាទីព្រឹកថ្ងៃទី១១ មីនា នៅលើផ្លូវលំមួយកន្លែងក្នុងភូមិវឌ្ឍនៈ ឃុំវឌ្ឍនៈ ស្រុកព្រែកប្រសព្វ ខេត្តក្រចេះ។
បុរសរងគ្រោះឈ្មោះយិត ប៊ុនណា អាយុ២២ឆ្នាំ មានទីលំនៅភូមិ-ឃុំកើតហេតុ។ តាមប្រភពព័ត៌មានពីកន្លែងកើតហេតុបានឱ្យដឹងថា នៅវេលាម៉ោងខាងលើគេឃើញបុរសរងគ្រោះ ជិះម៉ូតូម៉ាកស្មាស់រីវ៉ូ ពណ៌ខ្មៅ ស្ថិតក្នុងល្បឿនលឿន ស្របពេលមកដល់ផ្លូវកោងបុរសរងគ្រោះចាប់ហ្វ្រាំងមិនទាន់ ក៏ជ្រុលទៅបុករបងផ្ទះប្រជាពលរដ្ឋនៅខាងស្តាំដៃ បណ្តាលឱ្យដួលម៉ូតូ។ ប្រភពដដែលបានឱ្យដឹងទៀតថា នៅក្នុងហេតុកាណ៍នោះ ជនរងគ្រោះបានប៉ើងទៅបុកបង្គោលរបង ត្រូវនឹងរបាឈើរបងប្រវែងកន្លះម៉ែត្រ បុកជង់ជាប់នឹងដើមទ្រូងជំរៅជិតមួយតឹករងរបួសយ៉ាងធ្ងន់ធ្ងរ។
ក្រោយពីកើតហេតុភ្លាមៗប្រជាពលរដ្ឋ និងសាច់ញាតិបាននាំបុរសរងគ្រោះទៅសង្គ្រោះនៅមន្ទីរពេទ្យខេត្ត តែដោយសាររបួសធ្ងន់ធ្ងរពេកក៏បញ្ជូនបន្តទៅភ្នំពេញ ៕
ដោយ ៖ ប្រុសកោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]