ទូច ស្រីល័ក្ខ បញ្ចេញវីដេអូ ដែលជាស្នាដៃចុងក្រោយរបស់ យូ ឌីស្កូ មុនពេលធ្លាក់ខ្លួនឈឺ (មានវីដេអូ)

ភ្នំពេញ៖ ដំណឹងតារាចម្រៀង និងតារាសម្ដែង លោក យូ ឌីស្កូ បានធ្លាក់ខ្លួនឈឺនេះ បានធ្វើឲ្យមហាជន មានការព្រួយបារម្ភ និងសម្ដែងក្ដី អាណិតអាសូរ ចំពោះលោកជាខ្លាំង។

ក្នុងនោះដែរ ក៏មានតារាស្រីប្រុសជាច្រើន បានព្យាយាមស្វែងរកជំនួយជួយលោក តាមលទ្ធភាព  ដែលខ្លួនអាចធ្វើបាន ដើម្បីបង្ហាញពីទឹកចិត្ត នៃការរាប់អាន រវាងមិត្តអ្នកសិល្បៈ។

ជាក់ស្ដែង អ្វីដែលធ្វើឲ្យទស្សនិកជន កាន់តែអាណិតខ្លោចចិត្តនោះ មុននេះបន្តិច ដៃគូចម្រៀងរបស់លោក យូ ឌីស្កូ ពោលគឺអ្នកនាង ទូច ស្រីល័ក្ខ បានបង្ហោះវីដេអូ បង្ហាញពីសកម្មភាព សមរាំរួមគ្នា ដែលជាស្នាដៃចុងក្រោយ មុនពេលតារាល្បីឈ្មោះ រូបនេះបានធ្លាក់ខ្លួនឈឺ។

គ្រាន់តែឃើញភ្លាម ក៏មានលេងបណ្ដាញសង្គមជាច្រើន សម្ដែងក្ដីសោកស្ដាយជាខ្លាំង ជាពិសេសម្នាក់ៗបានផ្ញើសារលើកទឹកចិត្ត ក៏ដូចជាជូនពរ លោក  យូ ឌីស្កូ ឲ្យឆាប់បានជាសះស្បើយ ដើម្បីមានឱកាសដើរលើវិថីដែលខ្លួនស្រលាញ់ ហើយអាចបន្តបម្រើ អារម្មណ៍ទស្សនិកជន អ្នកគាំទ្រ របស់លោកទៀតផង៕

ខាងក្រោមនេះ ជាវីដេអូ សមរាំ ចុងក្រោយរបស់លោក យូ ឌីស្កូ មុនពេលធ្លាក់ខ្លួនឈឺ៖

• ទូច ស្រីល័ក្ខ
• យូ ឌីស្កូ
• វីដេអូ
• តារាខ្មែរ