ភ្នំពេញ៖ មួយរយៈចុងក្រោយនេះ ប្រិយមិត្តអ្នកស្នេហាវិស័យចម្រៀងរមែងបានជ្រាបហើយថា មានតារាស្រីប្រុសល្បីៗមួយចំនួន បាននាំគ្នា យកឈ្មោះសត្វមកដាក់ លើចំណងជើងបទចម្រៀងរបស់ខ្លួន ជាពិសេសមានដូចជាសត្វ ពស់ ឆ្កែ ទា មាន់ ជាដើម។
យ៉ាងណាមិញ ការដាក់ចំណងជើងប្លែកបែបនេះ ព្រោះតែ គេរំពឹងថា អាចនឹងទទួលបានចាប់អារម្មណ៍ពី ទស្សនិកជន អ្នកគាំទ្រ ជាក់ជាមិនខាន។
ឃើញដូច្នេះ ខ្មែរឡូត ក៏បាននាំយកចម្រៀងរបស់តារាល្បីមួយ ចំនួន ដែលបានច្រៀងរៀបរាប់ អត្ថន័យពាក់ព័ន្ធនឹងសត្វ យកមកចែកជូនប្រិយមិត្ត បានជ្រាប៕
តោះចង់ដឹងមាន តារាណាខ្លះ តាមដានទាំងអស់គ្នា៖
១) ព្រាប សុវត្ថិ៖ ជាក់ស្ដែង យប់មិញនេះ កំពូូលតារាចម្រៀងប្រុស ប្រចាំផលិតកម្ម រស្មីហង្សមាស លោក ព្រាប សុវត្ថិ បានធ្វើឲ្យមហាជន ភ្ញាក់ផ្អើលជាខ្លាំង នៅពេលលោក ច្រៀងបទ «មាន់ស្រែ បន្លែស្រស់ » ដែលបទថ្មីនេះ មានអន្ថន័យ ផ្ដោតលើសត្វមាន់។
២) សុគន្ធកញ្ញា៖ កំពូលតារាស្រីល្បីមិនក្រោម១០ឆ្នាំ ឱក សុគន្ធកញ្ញា បានចេញបទ «សព្វពស់» ដែលមានការច្រៀង អមនឹងក្បាច់រាំ យ៉ាងទាក់ទាញ តែម្ដង។
៣) រ៉ាប៊ី តារាស្រីវ័យក្មេង ដែលមានសមត្ថភាព ច្រៀងរាំបានយ៉ាងពិសេស ហើយថ្មីៗនេះនាងក៏បានចេញបទ «មាន់ស្រែ» ដែលមានការគាំទ្រខ្លាំង គួរឲ្យភ្ញាក់ផ្អើល។
៤) នាយ ពាក់មី ក្រៅពីចេះកំប្លែង លោកក៏ជាតារាចម្រៀងមួយរូប ធ្លាប់បានច្រៀងបទ មួយដែលមានចំណងជើង ពាក់ព័ន្ធនឹងសត្វ នោះគឺបទ «ឆ្កែក្រុងឆ្កែស្រែ» ។
៥) ពេជ្រ សោភា៖ មួយរយៈខ្លីនេះ ពេជ្រ សោភា បានបង្កភាពភ្ញាក់ផ្អើលជាខ្លាំង តាមរយៈការចេញចម្រៀងថ្មីៗ ជាពិសេស នាងក៏បានច្រៀងបទទាក់ទងនឹងឆ្កែ ចំនួន៣បទ ឯណោះ
១ ស្រលាញ់បងម៉ែឲ្យជិះឆ្កែ
២ ឆ្កែរត់បុកប៉ោត
៣ បីឆ្កែទៅរាំ
៦) នាយ ក្រាន់៖ ប្អូនប្រុសតារាកំប្លែងល្បីឈ្មោះ នាយ ពាក់មី នោះជានាយ ក្រាន់ ក៏មានបទ ចំណងប្លែកមិនធម្មតាដែរ «ចរិតមាន់» ដែលបទនេះ សុទ្ធតែច្រៀងរៀបរាប់ទាក់ទងនឹងសត្វ។
៧) ទេព បូព្រឹក្ស៖ ដៃគូចម្រៀងកម្លោះសង្ហា ដេវីត កញ្ញា ទេព បូព្រឹក្ស ត្រូវបានគេសរសើរ និឹងដាក់ងារនាង តាមចំណងជើងចម្រៀង«ចឹកមួយ» ដែលបទនេះចេញភ្លាម មានការគាំទ្រភ្លែត ព្រោះមិនថា សាច់ភ្លេង អត្ថន័យ ពិតជាពិរោះ ត្រូវចិត្តយុវវ័យយើង នាពេលបច្ចុប្បន្ន។
៨) លោក ខេមរៈសិរីមន្ត ចូលហង្សមាសមិនបានប៉ុន្មាន បទថ្មីលោក បានចេញមកជាបន្តបន្ទាប់ ក្នុងនោះក៏មានបទ «ក្បាច់ពស់» ដែលជាចង្វាក់ ញាក់កន្ត្រាក់អារម្មណ៍ខ្លាំង លាយជាមួយក្បាច់រាំ តាមបែបសត្វពស់ ទៀតផង ។
៩) យូរី៖ មិនខុសពីតារាស្រីប្រុសខាងលើ យូរី តារាចម្រៀងស្រីប្រចាំ ផលិតកម្មសាន់ដេ ក៏មានបទ«ក្បាច់ទា» ដែលបទនេះ និយាយពីក្បាច់រាំ មានលំនាំតាមសត្វទា។
១០) Evo តារាថ្មីទើបរះ ប៉ុន្តែគ្រាន់តែចេញបទ «ពស់» ភ្លាម ក៏មានទស្សនិកជន ចាប់អារម្មណ៍លោកជាខ្លាំង ជាមួយស្ទីលច្រៀងរាំ ដែលមើលទៅ មិនចាញ់តារាបរទេសនោះទេ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
